Tímarit lögfræðinga - 01.01.1962, Side 29
skýringu eru aðild íslands settar enn ríkari skorður,
þegar um er að ræða einskonar „yfirríkjastofnanir“ eins
og Efnahagsbandalagið og önnur slik bandalög, sem
fengið er vald, sem stjórnarskráin fær tilteknum hand-
höfum ríkisyaldsins. ísland getur ekki gerzt aðili slílcra
bandalaga eða alþjóðastofnana nema samkvæmt sérstakri
stjórnlagaheimild eða að undangenginni stjórnarskrár-
breytingu. Það er ástæða til að setja í stjórnarskrána
sérstakt ákvæði varðandi heimild landsins til að gerast
aðili að þvílíkum alþjóðastofnunum. Þar á að binda
þátttöku i þeim stofnunum því skilyrði, að hún hafi áð-
ur verið borin undir þjóðaratkvæði og samþykkt af meiri
hluta kjósenda.
Það verður að setja skilvirkar skorður við þátttöku
Islands í þvilíkum stofnunum og því valdaafsali, er þar
af leiðir. Vegna smæðar sinnar, sögu sinnar og marg-
háttaðrar sérstöðu, er eðlilegt, að íslendingar sýni mikla
varúð í þeim efnum. Á hinn bóginn er heimskulegt og
gagnslaust að stinga höfðinu niður i sandinn og loka
augunum fyrir þeim straumhvörfum, sem nú eru að
myndast á sviði milliríkjasamvinnu. Það er barnalegl
að halda, að sú framvinda fari með öllu framhjá okkur
íslendingum. En með skynsamlegum stjórnlagaákvæð-
um eigum við að reyna að tryggja, að engin örlagarík
skref séu stigin á því sviði, án þess að þjóðarviljinn sé
örugglega kannaður.
~Timarit lögfræðinga
27