Tímarit lögfræðinga - 01.01.1962, Page 63

Hins vegar er stéttarfélögum heimilt að semja um að
launajöfnuður náist fyrr, enda hafa þau og ýmiskonar
afskiptarétt af framkvæmd laganna.
Þá má enn geta um ný lög um lögskráningu sjómanna,
nr. 36, 29. marz 1961.
Er þá lokið að geta helztu laga, er samþykkt voru
fyrir þingfrestun 29. marz 1961.
Sumarið 1961 voru gefnar út nokkrar auglýsingar um
milliríkjasamninga. Má þar helzt nefna auglýsingu nr.
75, 17. maí, um fullgildingu alþjóðasamþykktar um lág-
mark félagslegs öryggis, frá 28. júni 1952 og auglýsingu
nr. 78, 19. júlí 1961, um samkomulag við Sambandslýð-
veldið Þýzkaland varðandi 12 mílna fiskveiðilögsögu hér
við land.
Hinn 21. ágúst 1961 voru gefin út lög um meðferð
opinberra mála nr. 82. Með þeim lögum eru breytingar
þær, sem gerðar voru á lögum nr. 27, 5/3 1951 með lög-
um nr. 5, 28/3 1961 felldar inn í lög nr. 27/1951 og þau
gefin út sem lög nr. 82/1961.
Tímarit lögfræðinga
61