Tímarit lögfræðinga - 01.01.1966, Síða 13

norskan í föðurætt. Hálfíslenzkum manni mundi varla
hafa verið falin sú forusta i Staðamálum sem Erlendur
iiafði. Hann hefur að vísu verið af sunnlenzku foreldri
en búið í Vestfirðingafjórðungi. Hinn eini bústaður hans,
sem nefndur er í gögnum, sem nú eru kunn, er Ferju-
bakki í Borgarfirði. Tilgátur þær og jafnvel fullyrðingar
um það, að hann hafi búið á Strönd i Selvogi eða þar í
grennd, hafa elcki við nein rök að styðjast. Það er lika
alveg ljóst, að hann hefur verið lögmaður að n. og v., en
ekki að s. og a., enda tekur Þorlákur bóndi á Kolbeins-
stöðum Narfason við af honum.
Engar beinar heimildir eru um það, hvernig Þorlákur
var fyrst í lögmannsembætti settur, en eftir því sem mál-
um var þá háttað í Noregi, er eðlilegast að ætla um val
hans, að því hafi landsmenn ráðið og að formlegt kjör
hafi þá farið fram á Alþingi, en um þetta vita menn ekk-
ert.
Þorlákur fór utan 1293, þótt annálum komi ekki saman
um árið. Það má ráða af þvi, að réttarbót Eiriks konungs
Magnússonar, sem dagsett er 2. júli 1294, visar til þess,
að Þorlákur lögmaður hafi átt hlut að henni.1) Þegar
lögmenn fóru utan, mun ferð þeirra eflaust að jafnaði
hafa verið ráðin nokkru fyrir Alþing. Þeir hafa því á
Alþingi þess árs vitað, að þeir mundu verða burtu a. m. k.
vetrarlangt og því ekki getað gegnt embættisstörfum hér-
lendis á meðan. Þeir hafa þvi að líkindum sagt af sér
lögmennsku í bili, í trausti þess, að þeir ættu vísan veg
í embættið þegar þeir kæmu aftur. Þegar Þorlákur fer
utan 1293 verður Sigurður Guðmundsson lögmaður, og
verður hið óljósa orðalag annálsins, sem getur þessa, varla
skilið öðru vísi en svo, að Sigurður liafi verið einungis
eitt ár lögmaður.2) Þorlákur kom út 1294 og er þá nefnd-
ur lögmaður i annálum og hefur þá væntanlega tekið við
H D. I. II, bls. 282.
-) G. Storm. ísl. ann., bls. 143.
Timarit lögfræðinga
11