Tímarit lögfræðinga - 01.01.1966, Page 14

lögsögn aftur.1) Sigurður hefur varla verið kjörinn i lög-
mannsembættið af öðrum en Alþingi. Konungur gat varla
vegna fjarlægðarinnar haft nokkur áhrif á það hver val-
inn vrði, og engar líkur eru til þess, að umboðsmenn hans
hafi þá haft nokkuð umboð hans til að ráða málum svo
mikilvægum sem skipun lögmanna.
Þegar Þorlákur Narfason fer enn utan, 1296, verður
Þórður Narfason, bróðir hans, lögmaður að norðan og
vestan. Arið 1298 kemur Þorlákur enn út, og segir enn i
annálum, að hann hafi verið lögmaður, og Konungsannál!
segir, að hann hafi komið út með lögsögn.2) Þetta ber
e. t. v. svo að skilja, að Þorlákur hafi haft konungsveit-
ingu fyrir embættinu er hann kom út 1298, en víst er, að
hann tók þá aftur við því. Enn fer Þorlákur utan árið
1300, og enn verður Þórður Narfason lögmaður að norðan
og vestan, en í utanförinni dó Þorlákur. Haukur Erlends-
son, sem virðist hafa verið lögmaður að sunnan og austan
síðan Jón Einarsson lét af lögmannsstörfum 1293, lætur
af störfum hér 1299, eftir því sem næst verður komizt,
og fer siðan utan og verður lögmaður í Noregi. Árið 1300
segja annálar, að Þórður og Þorsteinn hafi verið lög-
menn.3) Þórður var sá, sem nefndur var að framan, bróðir
Þorláks Narfasonar, og hefur að öllum líkindum verið
kjörinn á Alþingi þegar Þorlákur fór utan, en Þorsteinn,
sem varð lögmaður að s. og a., er ókunnur. Svo sem Jón
Sigurðsson segir í lögmannatalinu virðist það auðsætt,
að þessir tveir lögmenn liafi verið kosnir af Islendingum
en ekki skipaðir af konungi, sem kom til ríkis á miðju
sumri 1299 og sendi tvo norska lögmenn út hingað 1301.4)
Það er auðvitað meðfram vegna konungaskiptanna i Nor-
egi, að Þorlákur lögmaður Narfason og fleiri stórbændur,
!) G. Storm. ísl. ann., bls. 385.
2) G. Storm. ísl. ann., bls. 145.
3) G. Storm. ísl. ann., bls. 387.
4) Safn til sögu íslands II, bls. 49—51. G. Storm. ísl. ann.,
bls. 388.
12
Tímavit lögfræðinga