Tímarit lögfræðinga - 01.01.1966, Page 29

ár af lagði lögmannsdæmi fyrir norðan og vestan á Islandi,
svo og fyrir Ormi Sturlasyni, er þá hafði kóngsins bréf
fengið upp á lögmannsdæmið fyrir norðan og vcstan á
Islandi etc. . . .“.1 2)
Hér eru menn tvistígandi. Annarhvor þeirra Eggerts og
Orms var réttur lögmaður að n. og v. en ekki báðir í einu.
Skipun Orms var svo tekin til greina.
Þegar lögmannslaust varð að s. og a. við fráfall Páls
Vigfússonar, fór fram lögmannskjör á Alþingi 1570. I
kjöri voru Gisli sýslum. í Árnesþingi Sveinsson, Þórður
sýslum. í Þverárþingi Guðmundsson og Þorlákur sýslum.
á Núpi í Dýrafirði Einarsson. Hlutkesti var varpað um
það hver skyldi hljóta kosningu, og lcorn upp hlutur Þórð-
ar.-) Svona fóru þá kosningar fram til lögmannsembættis
á Alþingi, og er eðlilegt að ætla, að með svipuðum hætti
hafi kosning oft farið fram áður. Konungsstaðfestingu
fyrir kjörinu er ekki kunnugt um, en líklegt er, að hana
hafi Þórður á sínum tíma fengið. Síðan mun kosning lög-
manna hafa farið fram á þenna hátt í rúma öld, 'þar til
er konungur skipar Lauritz Gottrup lögmann að n. og v.
16. apríl 1695 án þess að spyrja Alþingi, en þeir, sem á eftir
honum komu, voru allir skipaðir af konungi og ekkert
var hirt um formlegt samþykki Alþingis.
Jón Jónsson var kosinn lögmaður að norðan og vestan
á Alþingi 15733) og konungur staðfestir kosninguna með
hréfi 5. apríl 1574.3) Gísli sonur Þórðar lögmanns verður
lögmaður eftir hann árið 1606, þá kjörinn af Alþingi, og
segir, að Þórður hafi komið því til leiðar, en ekki er getið
um neinn keppinaut hans. Á sama þingi var Jón Sigurðs-
son kjörinn lögmaður n. og v.4) Konungsbréf þeim til
handa fyrir embættunum voru útgefin 14. apríl 1607.r>)
D D. I. XV, bls. 112.
2) Sýslum. ævir III, bls. 416.
3) Sjá t. d. Alþ.b. I, bls. 143, 148 og 154.
4) Ann. ísl. I, bls. 194—195.
5) Alþb. IV, bls. 35—36.
Tímarit löqfræðinga
27