Tímarit lögfræðinga - 01.01.1966, Qupperneq 61

Fjölgun annarra kennara en prófessora.
Háskólaráð samþykkti nú í janúar tillögur um stofnun
nokkurra nýrra starfa eða breytingu á fyrri störfum. Jafn-
framt er unnið að heildaráætlunargerð um fjölgun kenn-
ara annarra en prófessora næsta áratuginn.
Frá Bandalagi Máskólamanna.
Á meðfylgjandi töflu er yfirlit yfir fjölda félagsmanna
í BHM, skipt eftir aðildarfélögum og eftir því, hvort félags-
menn starfa hjá opinberum aðilum eða einkaaðilum eða
eru við sjálfstæð störf. Mun þetta vera í fyrsta skipti, sem
tekið er saman sæmilega nákvæmt yfirlit yfir sliiptingu
háskólamanna á þessum grundvelli.
Innan vébanda BHM eru nú allflestir háskólamenntaðir
menn á íslandi. Elin stétt, tannlæknar, stendur þó utan
Bandalagsins, en auk þess er eitthvað af háskólamönnum,
sem ekki eru félagar i viðkomandi aðildarfélagi BHM og
eru þar með utan Bandalagsins. Hefur hér aðallega verið
um að ræða háskólamenntaða kennara, þá, sem ekki hafa
átt aðgang að Félagi B.A.-prófs manna eða Félagi ísl.
fræða. Félag háskólamenntaðra kennara hefur hins vegar,
síðan það var stofnað árið 1964, unnið ötullega að því
að ná til þessara manna og orðið mjög vel ágengt í því
efni. Þar sem félaginu er ætlað að ná til allra kennara
með háskólamenntun, eru hins vegar allmargir félags-
menn þess einnig félagar í sinum sérgreinarfélögum, aðal-
lega Félagi ísl. fræða og Félagi B.A.-prófs manna. Háskóla-
menn, sem þannig eru með tvöfalda aðild að Bandalaginu,
eru nú alls um 40, eins og fram kemur i yfirlitinu.
I nokkrum tilvikum er sami aðili bæði launþegi og
stundar sjálfstæð störf. Svo er t. d. um suma lækna. Þegar
um slíkt er að ræða, liefur verið reynt að meta, hvort
starfið er aðalstarf og flokkunin gerð samkvæmt þvi.
Heildarniðurstaða skiptingar háskólamanna í launþega
og þá, sem stunda sjálfstæð störf, er mjög athyglisverð,
Tímarit lögfræðinga
59