Tímarit lögfræðinga - 01.06.1966, Blaðsíða 20

um kosd láta þeir einungis fram fara bráðabirgðarann-
sókn og ákveða síðan annað tveggja, að enginn grund-
völlur sé til málssóknar eða málið skuli lagt til kviðdóms
þannig, að það verði dœmt á næsta ársfjórðungsþingi.
Heimilt er og að vísa máli til faranddómstóls þess, sem
þingar í héraðinu. Nú hefur mál manns verið rannsakað
og hann sakfelldur, að undangenginni hinni einföldu máls-
meðferð fvrir afbrot, sem opinberri ákæru gat sætt sbr.
1. og 3. lið hér að framan og verður því máli aðeins skotið
til ársfjórðungsdómþings til ákvörðunar refsiviðurlaga að
sakarferill dómfellda sé slíkur, að vald sýslunarmanns til
þess að gera honum sektir að fjárhæð allt að 100 sterlings-
pundum eða dæma hann í allt að 6 mánaða fangelsi eða
hvort tveggja, hafi ekki náð til þess máls.
Fróðlegt gæti verið að líta á nokkrar tölur frá árinu
1963. Af samtals 1.363.320 málum voru 1.142.299 mál út
af brotum, sem sættu hinni einföldu málsmeðferð. Mál,
sem dæmd voru á sama hátt, en gátu þó sætt opinberri
ákæru, voru 198.427 talsins, en einungis 25.594 mál (1,8%
af heildinni) dæmdi kviðdómur að undangenginni ákæru.
1. Einföld málsmeðferð (Summary Trial).
A fyrsta dómstigi í refsimálum dæmir einn launaður
sýslunarmaður eða eigi færri en tveir og eigi fleiri en
fimm ólöglærðir dómarar. Tvær leiðir eru til málskots í
þessum málum. I fyrsta lagi getur ákæruvaldið eða ákærði
krafizt þess, að sýslunarmenn geri yfirréttinum grein fyrir
málinu („state a case“) til þess að'hann veiti bindandi
skýringu á lagaatriðum þess. Þetta starf annast sú deild
vfirráttarins, sem nefnist „Divisional Court of the Queen’s
Bench Division.“ Umsögnina semja að minnsta kosti þrir
dómarar og senda hana síðan sýslunarmanni með fyrir-
mælum um að sýkna eða sakfella, eftir mati á staðreynd-
um málsins. í annan stað getur ákærði, ef hann er sak-
felldur, áfrýjað til ársfjórðungsþings í því skyni að fá
skorið úr um það hvort um lagaatriði er að ræða eða
82
Tímarit lögfræðinga