Tímarit lögfræðinga - 01.06.1966, Blaðsíða 22

krúnudómstóla (Crown Courts) í Liverpool og Manchest-
er. Er hvor þeirra um sig skipaður sýslunarmanni, sem
hefur dómstörf að aðalstarfi. Gegna dómstólar þessir hlut-
verki ársfjórðungsdómþinga í borgunum, en annars far-
anddómstóla.
Ef kviðdómur sýknar sakborning á ársfjórðungsdóm-
þingi eða þingi faranddómstóls er þvi máli lokið. Sé hann
sakfelldur, getur hann skotið máli sínu til Áfrýjunardóm-
stóls sakamála (Court of Criminal Appeal). Þann dóm
sitja þrír og stundum fimm og jafnvel sjö dómarar úr
yfirréttinum (Queen’s Bench Division). Sé álitaefnið lög-
fræðilegt, er réttur til málskots óskoraður, en varði það
staðreyndir eða hvort tveggja — lög og staðreyndir, þarf
samþykki þess dómstóls, sem dæmdi á frumstigi eða Afrýj-
unardómstóls sakamála. Með samþykki hins síðarnefnda
má og áfrýja til lækkunar ákvörðun um refsihliðina án
þess að sakfellingin sjálf sé véfengd, en þá má þó einnig
þyngja refsinguna. Dómum Afrýjunardómstóls sakamála
getur bæði ákæruvaldið og ákærði áfrýjað til lávarðadeild-
arinnar og er sú áfrýjun háð sömu skilvrðum og áfrýjun
frá yfirréttinum (Divisional Court) í minni háttar málum.
II. Starfslið dómg-æzlunnar.
Þrennt einkennir sérstaklega starfsliðið i ensku réttar-
kerfi. Fyrst má nefna hinn athyglisverða þátt leikmanna
í dómsýslunni. A það bæði við um kviðdómendur, frið-
dómara og þá, sem sitja í hinum sérhæfðu stjórnsýsludóm-
stólum. Annað einkenni er, að lögfræðingastéttinni er
skipt i málflytjendur (barristers) og lögmenn (solicitors).
Þriðja einkennið er, aðferðin við val fastra dómara, það
hve þeir eru fáir í lilutfalli við íbúatölu (hún er nær 50
milljónir) og hve mikilsháttar hlutverk þeir hafa á hendi
í þjóðfélaginu. Hvert þessara atriða er þess virði, að því
séu gerð nokkur skil, þótt í stuttu máli sé.
81
Tímarit lögfræðinga