Tímarit lögfræðinga - 01.12.1974, Page 5

BRYNJÚLFUR ÁRNASON
Hinn 31. desember 1974 andaðist Brynjúlfur
Árnason fyrrverandi deildarstjóri í félagsmála-
ráðuneytinu. Síðustu tvö árin átti hann við ill-
kynjaðan sjúkdóm að stríða, sem leiddi hann til
bana.
Brynjúlfur fæddist á Isafirði 30. júlí 1895 og
var því á áttugasta aldursári, þegar hann dó.
Foreldrar hans voru hjónin Árni Sveinsson
kaupmaður og útgerðarmaður á Isafirði og Guð-
rún Brynjúlfsdóttir frá Mýrum I Dýrafirði.
Brynjúlfur gekk í Menntaskólann í Fteykjavík
og lauk þaðan stúdentsprófi 1918. Að loknu
stúdentsprófi fór hann [ lagadeild Háskóla Is-
lands og lauk þar kandidatsprófi vorið 1923.
Síðan fór hann aftur heim til Isafjarðar og
stundaði þar málfærslustörf til ársins 1926. Á þeim árum var hann öðru hverju
skipaður setudómari. Brynjúlfur fór svo til Reykjavíkur og stundaði þar lög-
fræðistörf til ársins 1942. Á þeim árum var hann m. a. fulltrúi Lárusar Jóhann-
essonar hrl. á málfærsluskrifstofu hans um árabil. Hann var forstjóri upplýs-
ingaskrifstofu atvinnurekenda í Reykjavík 1931-1933 og útgefandi Kaupsýslu-
tíðinda 1931-1938. Hann var ráðinn ritari í heilbrigðisráðuneytinu 1. febrúar
1942 og skipaður fulltrúi þar frá 1. nóvember sama ár. Þar starfaði hann í
sjúkramáladeild og örkumla, sem sett var á fót með lögum nr. 78/1936 um
ríkisframfærslu sjúkra manna og örkumla. I nóvember 1949 var deild þessi sam-
einuð félagsmálaráðuneytinu. Brynjúlfur veitti deildinni forstöðu frá 1950 og
var skipaður deildarstjóri í félagsmálaráðuneytinu frá 1. apríl 1955. Hann
gegndi deildarstjórastarfi í ráðuneytinu þar til deildin var lögð niður og sam-
einuð Sjúkratryggingadeild Tryggingastofnunar ríkisins. Það var á árinu 1967,
en þá lét Brynjúlfur af störfum í ráðuneytinu vegna aldurs.
Kynni okkar Brynjúlfs hófust fyrst í janúar 1953, þegar ég gerðist samstarfs-
maður hans í félagsmálaráðuneytinu. Ég hafði að vísu séð Brynjúlf áður á skóla-
árum mínum í Reykjavík og mundi vel eftir honum, þegar við hittumst fyrst
í ráðuneytinu.
Brynjúlfur var í hærra lagi, vel vaxinn, Ijós yfirliturn, virðulegur í framkomu,
hógvær maður og kurteis, skapfastur og áreiðanlegur. Hann var ágætur lög-
fræðingur, rökvís, nákvæmur og greinargóður. Störf sín rækti hann með ein-
stakri reglusemi og vandvirkni. Það kemur stundum fyrir, að ströng bókstafs-
túlkun laga leiðir til niðurstöðu, sem ekki er réttlát. Þá reynir á vit þeirra, sem
framkvæmd annast. Brynjúlfur hafði næma réttlætistilfinningu og sá jafnan
gild rök, sem komu í veg fyrir óhæfu þá, sem leitt getur af blindri bókstafs-
dýrkun. Starf Brynjúlfs var þess eðlis, að framkvæmd þess gat oft verið við-
179