Tímarit lögfræðinga - 01.12.1974, Qupperneq 28

Er aðalframsögumaSur Lars Ag, forstjóri í neytendasamtökunum sænsku, en
annar framsögumaður Stále Eskeland háskólakennari, Osló. Fundarstjóri verð-
ur Jan Hellner prófessor, Stokkhólmi. i deild B verður til meðferðar efni úr
vinnurétti: „Samúðarverkföll (samúðaraðgerðir) í þágu aðilja, sem á í vinnu-
deilu erlendis." Er aðalframsögumaður prófessor Kaarlo Sarko, Helsingfors,
en annar framsögumaður Tore Sigeman, dósent í Uppsölum. Fundi stýrir
prófessor Antti Suviranta, Helsingfors. I deild C verður fjallað um efni, sem
varðar fjárhagsábyrgð ráðunauta („konsulenta"). Er aðalframsögumaður pró-
fessor Tore Sandvik, Osló, en annar framsögumaður prófessor Hans Saxén,
Ábo. Fundarstjóri fyrir þeirri deild verður Per Brunsvig, hæstaréttarlögmaður,
Osló. Um deild D var áður rætt.
Um kvöldið munu íslenskir lögfræðingar bjóða erlendum gestum og mökum
þeirra til kveldverðarboðs á heimilum sínum. Árið 1960 var öllum erlendu
þátttakendunum boðið á íslensk heimili að kveldi annars þingdags. Er það
einlæg von stjórnar mótsins, að nú auðnist okkur að ná viðlíka árangri. Heitir
stjórn þingsins á íslenska lögfræðinga að bregðast vel við málaleitun hennar
í þessu efni, og má geta þess, að undirtektir eru þegar mjög góðar.
Þriðja þingdaginn, föstudaginn 22. ágúst, hefjast fundir kl. 9:30 og þá í hinum
einstöku norrænu deildum samtakanna. Fer þar fram stjórnarkjör í hverri ein-
stakri landsdeild, og að öðru leyti er þar fjallað um innandeildarmál. Kl. 10:00
verður svo allsherjarfundur í Háskólabíó — en deildarfundir miðvikudag og
fimmtudag fara fram í Lögbergi og Árnagarði. Til umræðu á þessum allsherjar-
fundi verða lögfræðileg og félagsleg vandamál, sem bundin eru við „den
papirlöse familie", þ. e. við svonefnda raunhæfa sambúð (óvígða sambúð).
Aðalframsögumaður verður þar Inger Margrethe Pedersen, dómari í Lands-
yfirrétti, Kaupmannahöfn, en annar famsögumaður Kirsti Bull, lektor, Osló.
Fundarstjóri verður Kristian Mogensen, málflutningsmaður við Landsyfirrétt,
Kaupmannahöfn.
Kl. 19:30 um kvöldið hefst svo lokahóf þingsins með kveldverði og dansi á
Hótel Sögu og Hótel Borg. Fatnaður er þar dökk föt eða smoking.
B. Nýmæli á norræna lögfræðingaþinginu 1975
Á síðustu árum hefir verið rætt allmikið um norrænu lögfræðingaþingin, og
er því ekki að leyna, að ýmsum hefir þótt þau vera um of hefðbundin og nokk-
uð þyngslaleg í tilhögun og vinnubrögðum. Hefir m. a. verið á það bent, að
umræður séu um of með því marki brenndar, að menn lesi upp úr handritum,
og að þar gæti ekki nægilega mikið frjálslegra skoðanaskipta. Menn hafa og
t. d. bent á, að á ýmsum þingum akademískra manna i öðrum starfsgreinum
séu mál þeirra rædd í hópum, greinargerðir séu tiltölulega stuttar og oft í
formi niðurstaða eða ,,tesa“ fremur en langra fræðilegra útlistana. Þá hefir
sérstaklega verið á það bent, að þingtíðindi komi til muna of seint frá hverju
einstöku þingi, en síðustu ár hafa þau sjaldnast birst fyrr en 3 árum eftir
þinglok.
Islenska mótstjórnin tók þessi mál öll til umræðu á fyrstu fundum sínum
á árinu 1972, og voru ýmsar tillögur gerðar til allsherjarfundar í Stokkhólmi
haustið 1973. Voru þar samþykktar þrjár tillögur, sem horfa til nýbreytni. Skal
þeirra nú getið.
1. I þetta skipti var fundarstjóri fyrir hvert einstakt viðfangsefni skipaður
202