Tímarit lögfræðinga - 01.12.1974, Side 35

sér að venju fyrir fræðslustarfi um Sþ í skólum. Alls fóru 8 fyrirlesarar í 18 fram-
haldsskóla í Reykjavík og nágrenni. Einnig var ýmiss konar upplýsingaefni,
bæði veggspjöldum og bæklingum, dreift til nokkurra skóla. Skjalavörður Upp-
lýsingaskrifstofu Sþ í Kaupmannahöfn, Borge Harming, kom til landsins í nóv-
ember, og skipulagði félagið dvöl hans hérlendis. Hann heimsótti Landsbóka-
safnið, Háskólabókasafnið og Fræðslumyndasafn ríkisins og hélt fyrirlestur um
flokkun Sþ-efnis yfir stúdentum í bókasafnsfræðum. Sþ helguðu árið 1974 fólks-
fjölgunarvandamálinu, og 1975 er kvennaár Sþ. Sigríður J. Magnússon hefur
verið tilnefndur fulltrúi félagsins í undirbúningsnefnd fyrir kvennaárið, en í
nefndinni eiga að auki sæti fulltrúar Kvenfélagasambands Islands, Kvenrétt-
indafélags Islands, Félags háskólakvenna, Kvenstúdentafélags islands og Rauð-
sokka.
Þrír félagsmenn voru heiðraðir með bókagjöfum á aðalfundinum fyrir vel
unnin störf. Þeir voru Helgi Elíasson og Sigríður J. Magnússon, sem hafa setið
í stjórn félagsins frá stofnun 1948, og Jóhannes G. Helgason rekstrarhagfræð-
ingur, sem var helsti frumkvöðull að stofnun þess.
Guðmundur S. Alfreðsson.
SAMBAND LÖGFRÆÐINGA OG
HAGFRÆÐINGA í DANMÖRKU
Skipulag.
Samband lögfræðinga og hagfræðinga í Danmörku (Danmarks Jurist- og
Ökonomforbund) var stofnað 1. janúar 1972 með sameiningu Lögfræðingasam-
bands Danmerkur og Hagfræðingafélags Danmerkur. Lögfræðingasambandið
hafði verið stofnað 1919 og endurskipulagt 1953. Hagfræðingafélagið hafði
verið stofnað 1953.
Lögfræðinga- og hagfræðingasamband Danmerkur starfar í þeim tilgangi:
— að sameina lögfræðinga og hagfræðinga í Danmörku til verndar hagsmunum
stéttarinnar í fræðilegum, hagsmunalegum og félagslegum efnum.
— að sýna fram á þýðingu menntunar og rannsókna í lögfræði og hagfræði
fyrir þjóðfélagið.
—• að stuðla að því að félagsmenn haldi við og auki fræðilega menntun sína.
— að semja um launa- og ráðningarkjör fyrir lögfræðinga og hagfræðinga í
opinberri þjónustu og þjónustu hjá einkaaðilum.
— að eiga samvinnu við önnur samtök um málefni, sem þau hafa sameigin-
legan áhuga á.
I sambandinu voru í janúar 1974 11.357 félagar sem skiptust á þennan hátt:
ráðnir í þjónustu hins opinbera 2.757
skipaðir í þjónustu hins opinbera 2.055
lögmenn 1.368
lögmannsfulltrúar 478
aðrir í þjónustu einkaaðila og sjálfstæðum rekstri 530
aðrir kandidatar og eftirlaunamenn 980
stúdentar 3.189
209