Tímarit lögfræðinga - 01.12.1974, Síða 45

Starfshópur lögfræðinga hjá sveitarfélögum 186
þar af eru 55 í Lögfræðingafélagi starfsmanna Oslóborgar
Lögfræðingafélag búnaðarfélaganna 15
Landsfélag skattstofulögfræðinga 62
Landsfélag lögregluembættismanna 212
Hópur lögfræðinga í einkarekstri 258
þar af eru 66 í lögmannsfulltrúahópnum
Saksóknarafélagið 13
Félag lögfræðinga við háskólana 47
Lögfræðingafélag byggðarþróunarstofnunarinnar 19
Félag skrifstofustjóra vegamála 18
Stúdentar í sambandinu um 200
Á þessum lista eru ekki dómarar og lögmenn. Norska lögmannafélagið og
norska dómarafélagið eru einu lögfræðingafélögin í landinu, sem ekki eru í
Lögfræðingasambandinu. Félagsmenn í þessum samtökum geta þó verið f því
sem einstaklingar og greiða þá hálft félagsgjald.
Á fyrstu starfsárum lögfræðingasambandsins innheimtu aðildarfélögin eigin
félagsgjöld, gerðu eigin fjárhagsáætlanir og höfðu eigin reikninga. Á aðalfundi
lögfræðingasambandsins 1969 var samþykkt gerð um allsherjarfélagsgjald og
fjármálin sameinuð þannig, að öll aðildarfélögin hafa nú einn og sama árs-
reikning og sameiginlega fjárhagsáætlun. Árgjald til lögfræðingasambandsins
fyrir 1975 verður 360 n. kr., en þó greiða stúdentar, sem ganga í sambandið,
eftir að þeir hafa lokið 1. hluta prófi, 20 n. kr.
Næstum allir, sem starfa hjá ríkinu, eru í Starfshópi lögfræðinga í ríkisþjón-
ustu (Statsansatte Juristers Ervervsgruppe), sem er „stéttarfélag“ þeirra innan
sambandsins. Þessi hópur hefur sjálfstæða stöðu við gerð kjarasamninga.
Segir um það í lögum sambandsins:
„Ríkisstarfsmenn mynda Starfshóp lögfræðinga í ríkisþjónustu (S. J. E.).
Starfsgreinarhópurinn kemur fram fyrir hönd ríkisstarfsmanna í málum varð-
andi launa- og starfskjör."
Tilsvarandi ákvæði er um Starfsgreinarhóp lögfræðinga hjá sveitarfélögum.
Mikið starf fer fram innan vébanda lögfræðingasambandsins varðandi við-
ræður við ríki og sveitarfélög um kjarasamninga. Á sviði einkarekstrar hefur
sambandið ekki gert neina kjarasamninga, og vinnuveitendur ákveða laun eftir
einstaklingsbundnu mati. Á þessum vettvangi er þó rekin upplýsingastarfsemi,
sem er í því fólgin, að árlega eru birtar launaupplýsingar og mælt með tiltekn-
um ráðningarkjörum.
Lögfræðingasamband Noregs telur eftirmenntun og viðbótarmenntun lög-
fræðinga eitt helsta viðfangsefni sitt. Námskeið og fræðafundir annars vegar
og kjarabótaviðleitnin hins vegareru meginstoðir sambandsstarfsins.
Sambandið hefur einkum lagt áherslu á námskeið, er standa 1—3 daga, og
voru 14 slík námskeið haldin á síðasta ári. Meðal efna, sem fjallað var um, má
nefna: Samninga um skuldaskil og gjaldþrot, kaupa- og samningsreglur, réttar-
reglur um bygginga- og skipulagsmál, ákvæði um náttúruvernd, réttarreglur um
opinbera starfsmenn, olíurétt, sveitarstjórnarrétt og byggingarsamninga og út-
boðsreglur. Sérstök námskeið eru haldin fyrir dómarafulltrúa, fyrir lögreglu-
fulltrúa og fyrir lögmannsfulltrúa. Þá hafa verið haldin nokkur námskeið um
lögfræðileg efni fyrir menn, sem ekki eru lögfræðingar.
219