Tímarit lögfræðinga - 01.12.1974, Síða 47

skyldum þeirra. Sama ár sendu samtökin rannsóknarnefndir til 19 landa,
gáfu út 12 meiri háttar skýrslur og bæklinga, sendu frá sér 54 fréttatilkynn-
ingar og hleyptu af stað herferð um allan heim gegn pyntingum. Þannig mætti
áfram telja.
Stjórn íslandsdeildar Amnesty hóf þegar vetrarstarfið, en undirbúningur
að skipulagi samtakanna þarfnast nákvæmni og mikillar vinnu. Almennur
félagsfundur var haldinn í desember, og voru þar m. a. settir á laggirnar
fjórir starfshópar.
Björn Þ. Guðmundsson
LÖG FYRIR ÍSLANDSDEILD
AMNESTY INTERNATIONAL
1. gr.
Samtökin heita Islandsdeild Amnesty International.
2. gr.
Heimili samtakanna og varnarþing er í Reykjavík.
3. gr.
Samtökin vilja stuðla að því, að hvarvetna sé framfylgt mannréttindayfir-
iýsingu Sameinuðu þjóðanna með því að:
a) vinna að því, að þeir sem fangelsaðir eru, hafðir í haldi eða hindraðir
á annan hátt, eða að öðru leyti beittir þvingunum eða takmörkunum sökum
skoðana, sem þeir eru sannfærðir um, eða sökum kynþáttarlegs uppruna,
litarháttar eða tungu, verði leystir úr haldi og fjölskyldum þeirra veitt sú
aðstoð, sem þörf krefur, að því tilskildu, að þeir hafi ekki beití ofbeldi eða
stuðlað að því.
b) berjast gegn dauðarefsingu og hvers konar pyntingum eða slæmri með-
ferð á hverjum þeim sem fangelsaður er, hafður í haldi eða hindraður á
annan hátt í trássi við fyrirmæli mannréttindayfirlýsingarinnar.
4. gr.
Samtökin eru deild f Amnesty International og skulu í stefnu sinni og störf-
um fylgja markmiðum og starfsreglum hinna alþjóðlegu samtaka og starfa
í anda þeirra í hvívetna
5. gr.
Samtökin skulu í öllu starfi sínu gæta óhlutdrægni og heildarjafnvægis á
milli ríkja er heyra til mismunandi þjóðskipuagi og ríkjabandalögum.
6. gr.
Félagar í samtökunum geta verið þeir einstaklingar og félagasamtök, sem
styðja markmið og starfsaðferðir samtakanna og greiða tilskilið árgjald.
221