Tímarit lögfræðinga - 01.12.1989, Page 46

Aí vettvangi
Jóhannes Sigurðsson hdl.:
„BROADWAYMÁLIГ
Dómur Hæstaréttar frá 17. október 1989 (nr. 119/1988)
SAKARMAT
I greinarstúf þessum verður fjallað um dóm sem Hæstaréttur íslands
kvað upp hinn 17. október 1989 í máli Odds Vífilssonar gegn Veitinga-
húsinu Álfabakka 8 h.f. og gagnsök. Dómurinn er einkum athyglis-
verður fyrir mismunandi sakarmat sem kemur fram hjá dómurum
Hæstaréttar og mun umfjöllunin hér á eftir einkum beinast að þessu
atriði.
MÁLSATVIIÍ
Hinn 1. júní 1986 fór tjónþoli (0) á veitingahúsið Broadway sem
rekið er af Veitingahúsinu Álfabakka 8 h.f. (V). Um nóttina féll 0 af
handriði sem var umhverfis upphækkaðan danspall staðarins. 0 hafði
sest upp á handriðið, sveiflað fótunum og misst þannig jafnvægið. Við
þetta féll hann aftur fyrir sig niður á gólf í sal sem var undir dans-
gólfinu, en gengið var niður í salinn á þeim stað þar sem 0 féll af hand-
riðinu. Handriðið umhverfis danspallinn var 90 sm á hæð. Hæðin frá
gólfi salarins undir danspallinum og upp að efri brún handriðsins var
u.þ.b. 3,75 m. Handriðið sem 0 sat á var gert úr sívölum króm-
pípum sem voru tæplega 4 sm í þvermál. Vegna slyssins varð 0 100%
varanlegur öryrki.
Nokkrum mánuðum áður en framangreint slys varð, eða nánar til-
tekið 9. febrúar 1986, féll kona á milli hæða á sama stað og 0, og
slasaðist hún talsvert. önnur dæmi voru um það að gestir hefðu fallið
252