Tímarit lögfræðinga - 01.12.1989, Blaðsíða 70

Ávíð
02 dreif
BÓKAFREGNIR
Lögbókin þín, endurskoðun fyrstu útgáfu, eftir Björn Þ. Guðmundsson
prófessor er komin út hjá Bókaútgáfunni Erni og Örlygi hf. Reykjavík 1989.
Rit þetta kom fyrst út 1973, seldist fljótt upp og hefur verið ófáanlegt í
nær 15 ár: Höfundur, Björn Þ. Guðmundsson, segir í formála, að á þessu
tímabili hafi orðið ótrúlega miklar breytingar á löggjöf landsins og fyrir liggi
nýjar og viðamiklar rannsóknir á nær öllum sviðum réttarins. Fyrir hendi séu
nú ný ritverk íslenskra fræðimanna í flestum greinum lögfræðinnar. „Af
þessu leiðir að bókin hefur verið umsamin að verulegu leyti og er það verk
sameiginleg vinna okkar Stefáns M. Stefánssonar prófessors.“
„Tilgangur bókarinnar," segir ennfremur í formála, „er hinn sami og áður
að vera í senn lögfræðiorðabók og lögfræðihandbók, jafnt lærðra sem
leikra.“
Meginefni bókarinnar, sem er 576 blaðsíður í allstóru broti, er skýringar
lagaorða og hugtaka. í kynningu útgefanda á hlífðarkápu segir: Lögbókin
þín snertir flestar hliðar mannlegra samskipta og veitir svör við ólíklegustu
spurningum sem upp kunna að koma í dagsins önn og erli. I bókinni eru
tæplega 1500 aðalorð og um 1100 tilvísunarorð. Efni bókarinnar er skipað
í stafrófsröð til þess að auðvelda notkun hennar.“
Fremst í bókinni eru skrár um skammstafanir laga og orða og um tákn,
en aftast eru, auk skrár um heimildir og tilvísanir, tveir stuttorðir yfirlits-
kaflar: Réttaráhrif aldurs (dæmi um helstu réttaráhrif sem bundin eru við
aldur) og Hver er refsingin? (nær til afbrota sem refsiverð eru samkvæmt
almennum hegningarlögum 19/1940 og fjallað er um í bókinni).
Út er komin Ármannsbók, afmælisrit helgað Ármanni Snævarr í tilefni sjö-
tugsafmælis hans 18. september 1989. Sögufélagið gaf út, Reykjavík 1989.
í bókinni eru 18 ritgerðir eftir jafnmarga lögfræðinga, 9 íslendinga og 9
aðra Norðurlandamenn. Höfundar og ritgerðir þeirra eru sem hér segir:
Anders Agell: Familjebegrepp och lagstiftingsideologi i svensk rátt.
Johannes Andenæs: Avhor av barn som vitner i straffesaker.
Edward Andersson: Inkomstskattefrágor vid flyttning inom Norden.
Baldur Möller: Ættleiðing að fornu og nýju og eitt og annað í þvf samhengi.
Benedikt Blöndal: Eftir orðanna hljóðan.
Eiríkur Tómasson: Staða lagadeildar og framtíð laganáms.
W. E. von Eyben: Kampen mellem kreditorerne. Bellum omnium contra
omnes.
276