Árbók Háskóla Íslands - 01.01.1987, Qupperneq 32

30
Árbók Háskóla íslands
skila vel unnu verki. Fagmennska þín og
vönduð vinnubrögð ráða mestu um starfs-
frama þinn og launakjör. Allt flaustur og
fúsk skaða mest þann sem hefur slíkt í
frammi; fúskaranum treystir enginn fyrir
vandasömu verki.
Þriðja ráðið er að temja þér umburðar-
lyndi. Vertu ekki dómharður. Þú skalt hafa
í huga að þú ert skammt á veg kominn í
lífsins skóla, mörg þyngstu prófin eru fram-
undan. Sýndu samferðamönnum þínum
þolinmæði. Þú munt sjálfur rata í margar
þær raunir sem þú fordæmir í dag. Verð-
mætamat þitt mun breytast. Þrítugur hugs-
ar þú öðruvísi en tvítugur og fimmtugur
leggur þú enn annað mat á sömu hluti.
Viðhorf okkar breytast stöðugt á lífsleið-
inni og kröfurnar til lífsins einnig.
Skáldið gefur þessi ráð:
Að leik og námi gakk því heill og glaður
og ger þér ljóst að þú ert sá,
er æ skalt verða meiri og betri maður
því meira sem þig reynir á.
Og lát þú, æska, vit og anda verða
þá vængi, sem þér lyfta hæst,
að sannist, þegar sést til þinna ferða,
að sigling þín var djörf og glæst.
Já, vissulega eru miklar vonir bundnar
við hverja nýja kynslóð, við vel menntað,
þróttmikið og duglegt fólk, enda segir
skáldið svo:
Við vitum frá æskunnar arni skal rísa
sá eldur, sem þjóðunum veginn má lýsa
til fegurra framtíðarlands.
Við væntum vissulega mikils af ykkur.
Við væntum vinnusemi og vandvirkni,
framtakssemi og framfara, við væntum
drjúgra dagsverka. Við árnum ykkur heilla
og óskum ykkur farsældar í framtíðinni.
Guð veri með ykkur.