Árbók Háskóla Íslands - 01.01.1987, Qupperneq 45

75 ára afmælishátíð Háskóla íslands
43
að ríkisstjórnin hefði samþykkt að efla
Rannsóknasjóð háskólans með sérstöku
framlagi á fjárlögum og auknu framlagi á
fjárlögum næstu ára. Auk þessa tilkynnti
Magnús L. Sveinsson, forseti borgarstjórn-
ar Reykjavíkur, í síðdegisboði menntamála-
ráðherra, að borgarstjórn Reykjavíkur
hefði ákveðið að stuðla að bættri aðstöðu
fyrir nýsköpun og þróun tækniiðnaðar á
Keldnaholti með því að gefa Háskóla ís-
lands kr. 7.500.000 í því skyni og gera há-
skólanum kleift að eignast húsnæði fyrir
þróunarstarf á sviði líftækni og efnaiðnaðar
í fyrirhugaðri viðbyggingu við núverandi
hús Iðntæknistofnunar Islands á eignar-
landi ríkisins á Keldnaholti. F>á lýsti Björn
Dagbjartsson, formaður Rannsóknaráðs
ríkisins, því yfir við sama tækifæri, að
Rannsóknaráð hefði, með samþykki
menntamálaráðherra, ákveðið að verja kr.
8.000.000 úr byggingasjóði rannsókna-
stofnana atvinnuveganna til byggingar til-
raunahúss á Keldnaholti, er afhent yrði
Háskóla íslands til nota fyrir rannsóknir og
tilraunavinnslu, m.a. á sviði efna- og líf-
efnatækni. Gunnar G. Schram, formaður
Bandalags háskólamanna, tilkynnti um
gjöf frá BHM að upphæð kr. 500.000 sem
stofnframlag til fyrirhugaðs háskólabóka-
forlags. Hörður Filippusson, formaður Fé-
lags háskólakennara, afhenti háskólanum
bókagjöf frá félaginu, alfræðiorðabók um
tónmenntir. Jónas Ingi Ketilsson, formað-
ur Stúdentafélags Reykjavíkur, aflienti
Háskólanum formlega ritið „Háskóli Is-
lands og atvinnulífið", sem félagið hafði
gefið út fyrr á árinu. Skömmu eftir afmælis-
hátíðina afhenti skólameistari Mennta-
skólans á Akureyri háskólanum sögu
Menntaskólans að gjöf.
Aörir liðir hátíðarhaldanna
Útgáfur
Skömmu fyrir afmælishátíðina kom út
ntið Ur húsnœðis- og byggingarsögu Há-
skóla íslands — Heimildir um hugmyndir,
aðdraganda og framkvœmdir fram yfir
1940, sem Páll Sigurðsson hafði tekið sam-
an í tilefni af afmælinu. Var það bæði gefið
út sem sérstakt rit og í kiljuformi sem fylgi-
rit Árbókar háskólans.
Fyrsta hefti nýstofnaðs Tímarits Háskóla
íslands, sem birtist nokkru eftir afmælis-
haldið, var helgað afmælinu og birtist þar
m.a. safn greina um starfsemi háskólans
fyrr og síðar. Ritstjóri Tímarits Háskóla
fslands er Sigurjón Björnsson prófessor.
Fyrr á afmælisárinu hafði Stúdentafélag
Reykjavíkur efnt til útgáfu ritsins Háskóli
íslands og atvinnulífið, sem helgað var 75
ára afmæli háskólans og 115 ára afmæli
Stúdentafélagsins.
í tilefni háskólaafmælisins var einnig
ákveðið að Stofnun Árna Magnússonar á
íslandi mundi, í samvinnu við bókaútgáf-
una Lögberg, standa að veglegri ljósprent-
aðri útgáfu Konungsbókar Eddukvæða.
Þá má og geta þess, að í tilefni 20 ára
afmælis Raunvísindastofnunar háskólans
gaf sú stofnun út kynningarrit um sögu sína
og starfsemi og var útgáfudagur ritsins
tengdur 75 ára afmælishátíð háskólans. Lá
ritið frammi í „Opnu húsi“.
Heimildarmyndir um háskólann
í tengslum við afmælishátíðina tók Rík-
issjónvarpið til sýningar tvær heimildar-
kvikmyndir sem gerðar höfðu verið um
sögu háskólans og núverandi starfsemi.
Voru myndir þessar sýndar með nokkru
millibili skömmu eftir afmælishaldið. Var
þar annars vegar um að ræða fyrri hluta
sögulegrar heimildarmyndar um aðdrag-
anda háskólastofnunar og um starfsemi
Háskóla íslands fyrstu áratugina, fram um
1940. Annaðist Páll Sigurðsson gerð þeirr-
ar myndar í samvinnu við myndgerðarfyrir-
tækið Skyggnu hf. Hins vegar var kvik-
mynd um núverandi starfsemi háskólans og
stofnana hans, sem unnin var af Kynning-
arþjónustunni sf. og Lifandi myndum hf. í