Búnaðarrit - 01.06.1917, Side 48

206
BÚNAÐARRIT
Þessu næst fór eg 25. april austur í sýslur. Hélt
fundi í nautgripafélögunum í Rangárvallasýslu og leið-
beindi með áveitu o. fl. á nokkrum bæjum undir Eyja-
fjöllum og víðar. — Á leiðinni heim var eg á tveimur
smjörbúafundum í Árnessýslu, Apárbúsins og Fossvalla-
lækjarbúsins. Yar 19 daga í þeirri ferð.
Lagði enn á stað í ferð 30. maí upp í Borgarfjörð,
og ferðaðist um Mýra og Borgarfjarðar sýslur og Kol-
beinsstaðahrepp í Snæfellsnessýslu. Leiðbeindi í ferðinni
með áveitu o. fl. á 25 bæjum. Var á hrossasýningu í
Deildartungu 21. júní. Fór svo úr Borgarfirðinum yfir
Uxahryggi og austur í Árnessýslu. Var á hrossasýningu
í Þjórsártúni 8. júli. Hélt svo þaðan austur í Land-
eyjar. Leit þar eftir viðhaldi skurða og leiðbeindi í út-
eftirleiðinni með áveitu á nokkrum bæjum o. s. frv.
Kom heim 13. júli, og hafði eg þá verið 45 daga að
heiman.
Þá lagði eg upp á ný 2. ágúst. Var ferðinni heitið
um Vesturland eða nokkurn hluta þess, og gerð eftir
tilmælum Búnaðarsambands Vestfjarða. — Hélt eg sem
leið lá um Dalasýslu, og fór síðan um Austur-Barða-
strandarsýslu, Barðaströnd og Rauðasandshrepp. Úr Barða-
strandarsýslu fór eg svo norður að Djúpi og þaðan yfir
Ófeigsfjarðarheiði norður í Strandasýslu. Ferðaðist eg ná-
lega um alla sýsluna, og að því búnu hélt eg til Reykja-
vikur. Kom heim 15. sept., og hafði ferðin tekið 45 daga
alls. — í þessari ferð um Vesturland kom eg á 22 bæi
í Dalasýslu, 44 bæi í Barðastrandarsýslu og rúma 40 bæi
í Strandasýslu.
Loks íór eg 21. sept austur yfir fjall, til fundarhalda
og mælinga i Ölfusinu og víðar, og var tæpar 3 vikur
í þeirri ferð.
Auk þessara ferðalaga, er hér hefir verið getið, fór eg
tvívegis austur í Flóa, í Flóaáveitunefndar erindum, 22.—
27. júlí, og aftur 18.—19. nóvember, og ennfremur
tvisvar suður að Vifilsstöðum, til að leiðbeina með fram-