Búnaðarrit - 01.06.1926, Page 23
BÚNAÐARRIT
1«5
blekkingar einar, ef ein einasta sprenging misheppnast.
Auðvelt er að fara eftir töflum og forskrift, er gera skal
laxastiga að öllu leyti úr hleðslu, steinsteypu o. þvl.
Alt öðru máli gegnir um þann stiga, er hjer um ræðir.
Jeg hygg að gera megi skálaþrepin með leiðsögn og
undir umsjón verkfræðings. Tek jeg hjer fram nokkur
atriði, er fara ber eftir við framkvæmd verksins:
Lengd skálanna...................
Breidd —.........................
Dýpt —...........................
Stökkhæð laxins (= þrephæðin) .
Lengd þrepháls (= garða) . . . .
> 5 m.
2,5 — 3 m.
1,80 m.
<C 0,75 m.
> 5 m.
Þrephálsinn verður að vera svo hár, að fljótið
gangi aldrei yfir hann; hann á að vera hæstur efst. Mesti
straumhraði vatnsins úr skálunum má helst ekki fará
yfir 2—3 m/sek. Laxarnir munu auðveldlega finna inn-
ganginn í veituna neðst við klettaranann, því að straum-
lítið er í kring. Þótt laxarnir leiti fyrst uppgöngu í
flaumnum við syðsta fossinn eða sæki upp með norður-
berginu, munu þeir þó á leið sinni finna strauminn
niður þrepin og stökkva þar upp.
Vitanlega má ekki bíða þess, að laxar fylli Lagarfljót
og þverár þess af sjálfsdáðum, þótt leiðin verði brotin.
Verður þegar í stað að flytja laxahrogn að frá öðrum
iaxám og klekja þeim út við Lagarfljót og láta seiðin í
það. Við Hallormsstað mun vera hentugt stæði fyrir
klakhús, og mun jeg nánar víkja að því í næstu skýrslu
minni.
Ennfremur mun jeg síðar taka fyrir aðra hlið þessa
máls, sem er veiðilöggjöfin, og snertir það mál einnig
veiði í öðrum ám og vötnum.
Það er margreynt, að best er að saman vinni verk-
fræðingur og líffræðingur (Biologe), er gera skal laxa-
stiga líkan þeim, er hjer um ræðir.