Dvöl - 01.01.1941, Qupperneq 37

DVÖL
31
Innan við beð þetta má hafa
mjóan gangstíg, ef mönnum sýnist
svo. En það verður að velta á
smekk hvers einstaks, hvernig
trjám er fyrir komið innar i garð-
inum. Þó er rétt að taka það fram,
að heppilegast er að gróðursetja
ekki reyni né björk hvað innan um
annað, heldur að ganga svo frá, að
hver trjátegund hafi dálítið svæði
út af fyrir sig. Að minnsta kosti
má ekki setja eina og eina birki-
plöntu á stangli innan um reyni-
við, því að hann myndi kæfa björk-
ina á fáum árum. Sé garðurinn
nógu stór, er þokkalegt að koma
litlum grasfleti fyrir inni í miðj-
um garði.
Margir hafa löngun til þess að
rækta alls konar blómjurtir í trjá-
lundum sínum, en slíkt er oft og
tíðum hvorki heppilegt né æskilegt.
Til þess að lag geti orðið á blóma-
rsekt og skrautjurta, þurfa trjá-
lundirnir að vera svo stórir, að
hægt sé að ryðja dálítil rjóður til
blómaræktunar. Það eru fremur
fáar jurtir, sem geta náð góðum
Þroska í skugga trjánna. Sú jurt,
sem ég hefi séð sóma sér bezt undir
skuggsælum trjám, er kerfill. Vel
úiætti og velja einhverjar fjölær-
ar islenzkar jurtir til þess að gróð-
úrsetja undir trjánum, þar sem
^úest Ijós fellur til jarðar. Annars
^ttu menn að minnast þess, að
trjárækt krefst fremur litillar um-
hlrðu, er byrjunarárin eru liðin, en
blómarækt er vinnufrek, ef það
á að vera nokknx sómi eða nokkurt
gaman að henni.
Gróðursetning'.
Það er mjög auðvelt að læra að
gróðursetja tré, og flestir munu
geta það, er þeir hafa einu sinni
séð það gert á réttan hátt. Af þvl
að þroski trjánna á fyrstu árunum
er mjög kominn undir gróðursetn-
ingunni og vöndun hennar, verð
ég að víkja að henni nokkrum orð-
um. Fyrst og fremst skal þess gætt,
að plönturnar verði ekki fyrir ó-
þarfa hnjaski, og rætur þeirra
mega aldrei þorna. Ef svo stendur
á, að ekki er hægt að gróðursetja
plönturnar skömmu eftir að þær
eru komnar á ákvörðunarstað, er
mjög auðvelt að geyma þær á þann
hátt að taka þær allar saman úr
umbúðunum i senn, greiða þær sem
minnst í sundur og grafa ræturnar
síðan 1 jörðu á skuggsælum stað,
þannig að plönturnar liggi ská-
hallt upp úr jarðveginum. Þegar
að gróðursetningu kemur, eru
plönturnar loks greiddar í sundur,
þeim er komið fyrir í holum, þar
sem þeim er ætlað að standa, og
mold rakað að rótunum með hend-
inni. Sjálfsagt er að greiða úr rót-
unum, svo að þær liggi sem eðli-
legast út frá plöntunni. Húsdýra-
áburð er sjálfsagt að setja með
þeim í holuna, án þess þó að hann
snerti berar ræturnar of víða. Er
holan hefir verið fyllt af mold, er
fyrst þjappað fast að rótunum með