Valsblaðið - 01.05.1995, Blaðsíða 3
ga
Því aó frelsarinn fœddist
Séra Lárus Halldórsson.
Gætirðu hugsað þér að lifa án jól-
arrna? Hátíðin er nefnd ýmsum
nöfnum: Hátíð friðarins og gleðinnar,
hátíð bamanna, hátíð gjafanna, kær-
leikans og ljóssins. Allt vekur þetta
vissar hátíðartilfinningar hjá okkur,
líkast til af því að þetta eru óska-
draumar sem rætast þó misjafnlega.
Lítil böm langar til að verða stór,
það er óskadraumurinn. Aldrað fólk
dreymir til baka — til bemskuáranna.
Reynslan hefur kennt því hversu
margs var að sakna. En á jólunum
verða allir sem böm og fyllast góðvild
og gleði. Jólin tala skýrri rödd um frið
ytra sem innra, mikinn fögnuð, ljós í
myrkri, dýrð Guðs á jörðu. Svo
elskaði Guð, segja þau. En aðeins hinn
bamslegi hugur skynjar einfaldleik
jóladýrðarinnar rétt.
Það fæddist bam. Það var lagt í jötu.
Þá ljómaði birta himins yfir
örsnauðum íjármönnum. Þá sungu
englar um frið á jörðu og gleði Guðs.
Því þetta bam var Frelsarinn sjálfur.
Hjálp og lausn allra manna. Gjöf Guðs
á þessa jörð. Kærleikurinn sjálfur
kominn til að taka sér bústað hjá
okkur.
Gætirðu hugsað þér lífið án jólanna?
Valsblaðið 47. árgangur 1995
Utgefandi: Knattspyrnufélagið Valur. Félagsheimili, íþróttahús og leikvellir að Hlíðarenda við Laufásveg
Ritnefnd: Ragnar Ragnarsson, Lárus Ögmundsson og Þorgrímur Þráinsson
Ritstjóri: Þorgrímur Þráinsson
Ljósmyndir: Árni Gunnar Ragnarsson
Utlit og lestur prófarka: Þorgrímur Þráinsson
Litgreiningar: Litróf Prentun: ísafoldarprentsmiðja hf. Bókband: Flatey hf.
— Við höldum hátíð. Ekki veislu eða
„einhverja hátíð”, heldur fæðingar-
hátíð Frelsarans. Heilög jól minna á
verk Guðs í mannheimi. Ljós Guðs í
dimmunni. Líf Guðs í köldum heimi.
Hjálpræðisgjöf hans. Og þetta er engin
draumsýn. Synd og þjáning og dauði
eru ekki draumsýnir. Frelsun frá þessu
ekki heldur. Sú er lífsreynsla ljöl-
margra á þessum jólum. Þeir gleðjast í
Drottni. Jólin segja þér þetta: Guð er
kominn. Hann hefur gefið okkur líf.
Þetta líf er í syni hans. Sá, sem hefur
soninn, hefur lífið.
Jesús Kristur er ekki gömul saga.
Hann er sífellt í nútíð. Hann er meira
en ungbam í jötu. Hann er einnig sá
sem dó okkar vegna og reis upp og
lifir. Hann kemur til að búa hjá þér og
gefa þér ljósið sitt. Hann er kominn.
Það segir öll kristin boðun þér í orði
og verki, bæði á jólum og alla aðra
daga. Eg mun sjálfur búa hjá þeim,
segir hann.
Guð lífsins er nálægur veruleiki,
íklæddur mannlegri mynd, kominn til
að lifa okkar lífi, deyja okkar dauða
og sigra í okkar stað með upprisu-
mætti sínum. Hann ber okkar byrðar,
bjargar frá synd og glöpum og gefur
líf sitt og sigur. Þess vegna höfum við
heilaga hátíð og fögnum komu
Frelsarans.
—Sjá, ég boða yður mikinn fögnuð,
sem veitast mun öllum lýðnum, því að
yður er í dag frelsari fæddur.
Guð gefi þér gleóileg jól!