Valsblaðið - 01.05.1995, Blaðsíða 20

Jón Zoéga, Ragnar Ragnarsson og Reynir Vignir,
formaður Vals, báru hitann og þungann af þeirri
sjálfboðaliðsvinnu sem þurfti að inna af hendi við
breytingar á búningsaðstöðu í gamla íþróttahúsinu,
Gjörbreyting verður á allri vinnuaðstöðu fyrir starfs-
menn deildanna þegar framkvæmdunum lýkur og skrif-
stofuhúsnæðið verður tilbúið.
Næstu skref!
Reynir Vignir, formaður Vals, upplýsir Valsmenn
um næstu framkvæmdir að Hlíðarenda
Breytingarnar í
anddyri íþrótta-
hússins tókust vel.
Það hefur ekki farið fram hjá
neinum að töluverðar umbætur hafa
átt sér stað í húsakynnum Vals að
Hlíðarenda og sömuleiðis hafa
framkvæmdir átt sér stað við gamla
ilugvallaveginn við hlið æfínga-
svæðisins. Valsblaðið hitti Reyni
Vignir, formann Vals, að máli og
innti hann eftir næstu skrefum í
framkvæmdum að Hlíðarenda og
hvað hefði verið gert upp á
síðkastið.
,Við höfum þegar sótt um
íjárveitingu til Reykjavíkurborgar til
að klára að fylla upp í svæðið við
flugvallaveginn og stækka þar með
æfingasvæðið til muna. Það á eftir
jafna út efnið, sem er búið að keyra
þangað, og leggja annað efni ofan á
það. Síðan þarf að undirbúa dren-
lagnir og lagningu grass.
Þá viljum við kanna möguleika á
því að breikka stóra íþróttahúsið til
muna þannig að hægt verði að koma
áhorfendabekkjum fyrir beggja
vegna vallarins og jafnvel skipta
húsinu í tvo æfingasali þegar þess
gerist þörf. Þessar hugmyndir eru
reyndar nýjar og á byrjunarstigi en
eru mjög áhugaverðar.
Næsta skref varðandi húsnæðismál
félagsins er síðan að flytja skrifstofu
félagsins og aðstöðu deilda á hæð-
ina fyrir ofan gömlu búningsklefana.
Sú framkvæmd fer í gang um leið
og við eigum fyrir henni. Þá verður
líka hægt að ljúka við samkomu-
salinn okkar því salerni, fatahengi
og inngangur í hann verða í þessum
áfanga
Samkvæmt samþykktu aðalskipu-
lagi Hlíðarendssvæðisins á að breyta
aðkeyrslunni að svæðinu. Hún á að
verða frá Flugvallarvegi. Sunnan
við aðalkeppnisvöllinn verða bíla-
stæði og aðkeyrslan þaðan að húsum
félagsins. Þessar framkvæmdir eru
okkur að kostnaðarlausu því
Reykjavíkurborg á að framkvæma
þær samkvæmt samningi.
Eftir að verktaki lyfti þakinu af
gömlu búningsklefunum, og byggði
ofan á þá, tókum við við húsnæðinu
fokheldu. Mikil sjálfboðaliðsvinna
var innt af hendi við að standsetja
búningsaðstöðuna og setja í hana
nýtt loft. Aðstaðan var síðan tekin
aftur í notkun í byrjun septem-
ber,breytt og endurbætt og hefur vel
tekist til við framkvæmdirnar.
Töluverðar framkvæmdir hafa átt
sér stað í anddyri íþróttahússins í
haust og er öll aðstaða fyrir
húsverði, iðkendur og áhorfendur
mun betri en áður. Komin er aðstaða
fyrir miðasölu og allt er orðið mun
rýmra og snyrtilegra en áður var.
I ársbyrjun 1995 lukum við
framkvæmdum við það sem við
köllum félagsheimili ásamt góðu
eldhúsi með fullkomnum tækjum.
Núna getum við tekið á móti fólki
og boðið upp á salarkynni eins og
þau gerast best.”
20