Valsblaðið - 01.05.1995, Blaðsíða 27

Steinþór Gíslason
4. flokki í fótbolta
Steinþór Gíslason verður 12 ára 27.
desember. Hann lék með 5. flokki
síðastliðið sumar en gengur nú upp í
4. flokk. Hann er miðjumaður og segir
að flokknum hafi ekki gengið neitt
sérstaklega vel á síðustu leiktíð. „Það
er ekki mikil samkeppni núna í 4.
flokki," segir Steinþór. „Við erum
nokkrir að ganga upp en samt erum
við ekki nema um tuttugu á æfingum.
Það hætta svo margir í fótbolta í 4.
flokki, fá leið eða eitthvað. Ætli það
séu ekki svona sex strákar sem eru
verulega góðir í 4. flokki en hinir
lakari. Okkur vantar því meiri breidd
en auðvitað geta menn alltaf bætt sig.
Við erum með nýjan þjálfara núna
sem heitir Páll Sveinsson og mér líst
mjög vel á hann. Annars erum við
eiginlega nýbyrjaðir að æfa aftur og
það er bara tvisvar í viku. Við erum
búnir að kvarta því við viljum æfa
oftar. Reyndar erum við einu sinni í
viku í eróbikk og það er þrælgaman.
Síðastliðinn vetur æfðum við ijórum
sinnum og það er alveg passlegt á
vetuma. Það eina, sem mætti breytast
hjá okkur, er að við fengjum stundum
að æfa í stóra salnum. Það er miklu
skemmtilegra."
Steinþór segist bara vera í fótbolta
en hann er nýfluttur í Fram-hverfið.
Hann hló bara þegar ég spurði hvort
hann ætlaði þá ekki í Fram. „Það
kemur ekki til greina. Annars er ég
stundum að leika mér í handbolta og
körfúbolta en það er meira í gríni. Við
hittumst bara vinimir og leikum
okkur."
Steinþór Gíslason.
Magnús Jóhannesson.
Magnús Jóhannesson
6. flokki í handbolta
Magnús Jóhannesson, sem er 11
ára, segir að flokknum hans hafi ekki
gengið neitt sérstaklega vel á síðasta
keppnistímabili og heldur ekki núna.
„Við emm ekkert rosalega margir sem
æfum, mest svona tuttugu. I síðustu
túmeringu lentum við í næst síðasta
sæti í okkar riðli en við ætlum að gera
betur næst."
Magnús leikur sem skytta vinstra
megin en hann segir að samkeppnin
um sæti í liðinu sé ekkert rosalega
mikil. „Mér hefur svo sem gengið
ágætlega. Eg hef verið að skora 2-3
mörk í leik." Handboltakappinn segist
vera ánægður með þjálfarann, hann
Nonna, en stundum sé dálítið mikið
þrek á æfingum. „Annars er það allt í
lagi því þá verðum maður bara
sterkari og kemst í betri æfingu."
Magnús hefur ekkert velt því
sérstaklega fyrir sér hvert hann stefnir
sem íþróttamaður enda nægur tími til
þess. „Vonandi kemst ég í meistara-
flokk. Annars er ég líka í fótbolta, í 5.
flokki. Ég veit ekki hvort ég vel hand-
boltann eða fótboltann í framtíðinni..
Ég spila á miðjunni eða frammi í
fóboltanum. Við æfúm þrisvar í viku í
hvorri grein þannig að það er nóg að
gera hjá mér. Ég á engin sérstök
áhugamál fyrir utan íþróttimar. Heima
spila ég stundum á spil eða horfi á
sjónvarpið."
Aðspurður um það hvort eitthvað
mætti betur fara í félaginu sagði
Magnús. „Kannski mættu peninga-
málin vera betri. Og svo finnst mér
við leika í allt of litlum stuttbuxum!"
27