Valsblaðið - 01.05.1995, Blaðsíða 33
Norðurlandsfarar 4. flokks árið 1958. Fremri röð frá vinstri: Sigurþór
Sigurðsson, Guðmundur Sigurjónsson, Gísli Tryggvason, Sigurður Marels-
son, unglingaleiðtogi, Jón Reykdal, Friðjón Guðmundsson, Þórarinn Jónas-
son, Ólafur Gústafsson. Miðröð: Pétur Sveinbjarnason, Jóhann Jóhannesson,
Björn Bjarnason (núverandi menntamálaráðherra), Leifur Dungal, Þórður
Jóhannesson, Ragnar Ragnarsson, Jón Agústsson, Þorlákur Hannesson.
Aftasta röð: Ragnar Thorvaldsson, bílstjóri, Vilhjálmur Sigurlinnason,
Kristmann Óskarsson, Þorsteinn Ingólfsson, Guðjón Magnússon, Magnús
Ólafsson, Baldur Baldursson, Guðmundur Asmundsson.
nokkrar forsendur. Venjulegar tekjur
íþróttadeilda í dag geta ekki staðið
undir þessari hálf-atvinnumennsku og
á meðan svo er spyr maður; er þetta
komið til að vera eða hversu lengi
gengur það? Eg held að á hverjum
tíma verði eitt til tvö félög sem geti
staðið undir þessu á grundvelli eigin
velgengni, m.a. vegna þátttöku í
Evrópukeppni sem í dag er nokkur
trygging fyrir fjárhagslegan ávinning.
Eitt og eitt félag kann að hafa það
öfluga styrktaraðila að það geti keypt
leikmenn einhverju verði, en hin
félögin verða í basli að þessu leyti.
Þess vegna er mikilvægt að hlúa vel
að unglingastarfmu og ala upp góða
og sanna Valsmenn. Það höfum við
ávallt getað gert í Val og við skulum
halda því áfram.”
— Með hvaða hætti getur Valur
unnið sig úr þeim fjárhagsvanda
sem það er í?
„Sjálfsagt þarf ýmsar leiðir til þess
en m.a. verður að leita enn meira til
hinna mörgu Valsmanna. Tekjumar
gera ekki meira en að standa undir
rekstrinum og því þarf nýja tekjupósta
til að mæta greiðslubyrði þeirra skulda
sem hvíla á félaginu - bæði aðalstjóm
og deildum. Breytt stjómar-
fyrirkomulag í félaginu getur verið
heppilegt til að takast á við þetta van-
damál. Leita þarf að nýjum fjár-
öflunarleiðum en ýmsar hugmyndir í
þeim efnum komu fram á félagsfundi í
knattspymudeildinni í haust. Þær þarf
að skoða og nýta þær vænlegustu. En
til að takast á við skuldabyrðina er
mjög áríðandi að eymarmerkja ákveð-
nar fastar tekjur, eða tekjur af ákveð-
inni fjáröflun, tilteknum skuldum, eins
og gert hefur verið með Lollapott.
Annars er hætt við að menn falli í þá
freistni að nota það fé í almennan
rekstur. Það mætti stækka Lollapott
með fleiri greiðendum og jafnvel hærri
framlög tímabundið. Það kom fram á
nýafstöðnum aðalfundi knattspymu-
deildar að þetta stendur til. Ég veit að
þetta er hægt en það er með þessa
fjáröflunaraðgerð eins og allar aðrar,
hún kostar átak og vinnu.
Ég er sáttur við þá stjóm sem mér
sýnist hafa verið á handbolta- og
knattspymudeildinni að undanfömu
þar sem menn láta ekki vaða á súðum.
Það em aðalhaldsaðgerðir í gangi og
handboltinn hjá Val hefur ekki liðið
fyrir það. Knattspymudeildin getur
ekki lokkað til sín dýra leikmenn og
þess vegna þarf hún að byggja sig inn
innanfrá.”
- Er það rétt að þú lifir þig svo
mikið inn í leiki þegar Valur er að
spila að það sé varla hægt að spyrja
þig hvað klukkan sé?
„Ég segi það nú ekki en ég lifi mig
mikið inn í leikina án þess að ráða við
það. Það er gott að vera Valsmaður og
sömuleiðis ánægjulegt að geta gleymt
sér á vellinum.”
Ólafur er kominn með golfbakterí-
una og barði bolta út um víðan völl
þriðja sumarið í röð. Hann hefur verið
ötull skíðamaður í áratug og sömu-
leiðis rennt fyrir lax til margra ára.
Ólafur er kvæntur Kristínu Sigurðar-
dóttur og auk sex ára guttans,
Steinars Þórs, eiga þau hjónin Grétar
Má háskólanema og Ágústu sem er í
Verslunarskólanum. „Já, konan fer
með mér á skíði en hún fer ekki með
mér á Valsleiki. Hún lék reyndar
handbolta með Val á sínum yngri
árum en þó kynntumst við ekki í gegn-
um félagið.”
VALSBLAÐIÐ
1959
Þjáðust af skóleysi
Heimsmeistaraliðið frá Brasilíu
birgði sig vel upp af knattspymu-
skóm í lokakeppninni í Svíþjóð í
sumar. Þeir höfðu 100 pör fyrir
hina 22 leikmenn eða um 5 pör
fyrir hvem og ein. Þess má raunar
geta, að skór þeirra eru mun veik-
byggðari en skór í Evrópu og þá
ekki síður á Norðurlöndum, og það
þýðir, að þeir endast ekki eins vel.
Þeir höfðu líka með sér skó fyrir
þurra velli og svo blauta velli.
VALSBLAÐIÐ
1959
Didifékk hœnsnabu
í verðlaun
Áður en lið Brasilíumanna lagði
af stað til Evrópu til HM tók hægri
innherjinn Didi þátt í merkilegu
veðmáli. Ef Brasilía næði því að
komast í úrslit, átti hann að fá
hænsabú með 1000 hænsnum.
Tækist þeim það ekki mátti hann
hvorki raka sig né láta skera hár sitt
næstu fjögur árin eða þar til næsta
HM yrði í Chile 1962. Didi slapp
vel og fékk hænsabúið.
33