Valsblaðið - 01.05.1995, Blaðsíða 18

ég mig stundum, hlusta á klassíska
tónlist á 106,8 en stundum skipti ég
yfir á dægurlögin ef ég vil tilbreyt-
ingu. Svo horfi ég á sjónvarpið og læt
þar við sitja.”
— Kæmirðu oftar niður að
Hlíðarenda ef heilsan væri betri?
„Maður lifandi.”
— Um hvað hugsar maður á
þínum aldri sem dvelur löngum í
félagsskap sjálfs sín?
„Um gamlar endurminningar.
Maður rifjar upp eitt og annað úr
boltanum. Það er alltaf jafn skemmti-
legt.”
— Ertu trúaður?
„Já, annars væri ég ekki með mynd-
ina af Jesú á veggnum. Það er svo
margt í kringum okkur sem við
skiljum ekki. Eg fer alltaf með eina
litla bæn og hún hefur hjálpað mér
mikið. Hún er ekki mörg orð en hefur
gert sitt gagn.”
— Hræðistu dauðann?
„Alls ekki. Af hverju ætti ég að gera
það? Það er ekkert að hræðast. Eg hef
upplifað hluti sem staðfesta ýmislegt
án þess að ég vilji fara nánar út í það.”
— Hvaða tilfinningu hefurðu fyrir
Val í dag?
„Alveg þá sömu og ég hafði fyrir
Val árið 1929 þegar ég gekk í félagið.
Tilfmningin er dásamleg. En ég fór
ekki á völlinn í sumar. Eg þoli ekki
lengur við þegar Valur er að spila. Ég
verð svo yfir mig spenntur að ég
treysti mér ekki til þess.”
— Er það rétt að þegar þú fórst á
leiki flýttir þú þér yfirleitt strax
heim til að heyra úrslitin í tíufrét-
tum til þess að vera viss um að
Valur hefði unnið þótt þú hefðir
orðið vitni að því?
„Já, ég varð að fá úrslitin staðfest.”
— Misstirðu nokkuð vonina í
sumar?
„Mér stóð ekki á sama á tímabili.
En eftir að Valur sigraði í Grindavík
og gulltryggði sig mætti ég á völlinn
og sá leikinn gegn Akranesi. Mönnum
fannst greinilega gaman að sjá Köttinn
aftur á Hlíðarenda”
— Hlakkarðu til næstu ára?
„Því ekki.”
— Áttu ekki afmæli fljótlega?
„Jú, 17. desember.”
— Verður þú 75 ára?
„Nei, 78. Maður er eins og kettl-
ingur. Fimleikamar, sem ég stundaði
sem ungur maður, gerðu mér gott og
þær halda mér ungum.”
Lolli á spjalli við Júlíus Jónasson
handknattleiksmann.
Tveir góðir! Lolli og Ríkharður
Jónsson, fyrrum markaskorari af
Skaganum.
Kattamafngiftina fékk Lolli þegar
hann lék með úrvalsliði Vals og
Víkings í Þýskalandi árið 1939 í þann
mund sem stríðið var að skella á.
Úrvalsliðið lék gegn þýsku úrvalsliði
og Lolli lék þýskan landsliðsmann svo
grátt að hann fékk viðumefnið
Kötturinn í kjölfar þess. Lolli ætlaði
aldrei að komas út af leikvanginum
vegna æstra aðdáenda sem heilluðust
svo af framgöngu hans í leiknum að
þeir vildu eiginhandaráritun.
Lollabikar
Farandbikar, gefinn af Lolla í
Val (Ellert Sölvasyni) árið 1988.
Lolli var leikmaður í Val og landO-
liðinu á 4. og 5. áratugunum. Bikar
þessi skal veittur þeim leikmanni í
yngri flokkum Vals sem þykir
skara fram úr í leikni með boltann.
Unglingaráð Vals skal útnefna leik-
mann þennan í samráði við þjálf-
ara. Bikarinn skal veittur árið 1988
og á hverju ári til ársins 1999. Eftir
það skal hann varðveittur í bikara-
og minjasafni Vals.
Heimildasöfnun!
Valsblaðið vill koma því áleiðis
til þeirra, sem eru í forsvari fyrir
deildirnar og öll ráð innan Vals, að
gæta vel að heimildaöflun allan
ársins hring. Knattspyrnufélaginu
Val er annt um að varðveita sögu
félagsins og því er mikilvægt að
teknar séu ljósmyndir við sem flest
tækifæri. Þá ætti það að vera
skvlda allra deilda að taka myndir
af öllum keppnisflokkum í
keppnisúningum og skrifa niður
nöfn allra sem eru á myndinni.
Slík vinnubrögð myndu auðvelda
vinnu við Valsblaðið til muna. Við
megum aldrei gleyma því að sagan
er að gerast í dag og það getur
orðið hvimleitt að leita að mynd af
einhverjum keppnisflokki Vals eða
merkilegum viðburði eftir tíu ár,
sem hefði átt að vera til á „file".
Það verður kannski alltaf álitamál
hvað eigi að varðveitast í
Valsblaðinu en því meira framboð
af efni þeim mun veglegra og
fjölbreyttara verður blaðið.
Meó Jóla- og Valskvedju
Vissir þú...
... að MEISTARAFLOKKUR
VALS í KNATTSPYRNU lék 11
leiki í röð í 1. deild árið 1978 án
þess að fá á sig mark. Liðið
sigraði í 17 leikjum á mótinu en
gerði eitt jafntefli, við KA.
Markatalan var 45 mörk gegn 8.
Ekkert lið í 1. deild hefur náð
svo góðum árangri eftir að fjölg-
að var í tíu lið Ll. deild.
18