Fréttablaðið - 29.05.2010, Side 42

2 vín&veisla
Ég mæli með Esju-kokteilnum ef illa fer og við vinnum. Það er óbrigðull kokkteill sem
styrkir taugarnar, hressir og er
mjög hollur. Það þekki ég af eigin
raun því ég fékk mér einmitt einn
svona eftir að ég lenti í neðsta sæt-
inu,“ segir Daníel sem vermdi
neðsta sæti Eurovision-söngva-
keppninnar 1989 með tónsmíðinni
Það sem enginn sér eftir Valgeir
Guðjónsson.
„Ég var mjög hress með þau
málalok og hafði engan áhuga á að
vinna þessa keppni, var bara feg-
inn. Hápunkturinn fyrir mig var
að sjá Dieter Bohlen, annan gaur-
anna úr Modern Talking bak-
sviðs, en hann samdi lög Þjóðverja
og Austurríkismanna það árið,“
segir Daníel Ágúst og upplýsir að
Eurovision-ferðin sé sú besta af
skemmtiferðum hans um ævina.
„Þetta var stórgaman og alveg
stórkostleg ferð, en ég var í slag-
togi með Valgeiri Guðjónssyni sem
er einn af skemmtilegustu mönn-
um sem ég hef kynnst. Það var því
hlegið frá upphafi ferðar til enda,“
segir Daníel Ágúst sem hlustar
aldrei á Það sem enginn sér í dag.
Ég horfi alltaf á keppnina með
öðru auganu og öðru eyranu, en
held það mundi teljast til stórslysa
ef við myndum vinna. Við höfum
einfaldlega ekki efni á því.“
ESJA
Reyka vodki
sódavatn
mulinn ís
límónubátur

Í SKÝJUNUM MEÐ
SHIRLEY TEMPLE
Shirley Temple er víð-
frægur óáfengur kokkteill
sem ég drakk mikið þegar
ég var yngri að syngja
í New York og foreldr-
ar mínir og umboðsmaður
fengu sér rauðvínstár. Hann
hefur því verið í uppáhaldi
hjá mér lengi,“ segir söng-
konan Jóhanna Guðrún Jóns-
dóttir, sem lenti í öðru sæti
Söngvakeppni evrópskra sjón-
varpsstöðva með laginu Is It
True fyrir ári.
„Tilfinningin að bíða eftir úr-
slitunum er afar taugatrekkjandi
því á bak við þessar þrjár
mínútur liggur þriggja
mánaða látlaus vinna. Þess vegna
vonar maður af öllu hjarta að hlut-
irnir gangi upp og þegar úrslit
lágu fyrir var maður í skýjunum
og þurfti marga daga á eftir til að
venjast tilhugsuninni um að hafa
gengið svona vel,“ segir Jóhanna
sem hafði engin tök á
Shirley Temple eftir
frækinn árangur í
Rússlandi en fékk sér
óáfengan Mojito í stað-
inn, en Jóhanna snertir
ekki áfengi.
„Fólk sem drekkur
ekki verður oftar en ekki
útundan í svona partíum
og gleymast þegar allir
hinir eru komnir með
glös. Því er gaman að gefa
uppskrift að þessum góða
vinningskokkteil því ef vel
gengur hjá Heru er hann
afar viðeigandi: freyðandi,
bragðgóður og sætur.“
SHIRLEY TEMPLE
5 dl Ginger Ale
5 dl appelsínusafi
2 msk grenadine
ísmolar
vín&veisla fylgir laugardagsblaði Fréttablaðsins l Útgefandi: 365 miðlar l
Forsíðumynd: NordicPhotos/Getty
Telst til stórslysa að vinna
Eurovision-fararnir Daníel Ágúst Haraldsson og Jóhanna Guðrún Jónsdóttir þekkja tap og
sigur af eigin raun og luma á viðeigandi kokteilum hvernig sem úrslitin fara.
ÓBRIGÐULL Daníel Ágúst Haraldsson tók þátt í
Söngvakeppni evrópskra sjónvarpsstöðva árið 1989
með laginu Það sem enginn sér eftir Valgeir Guðjónsson.
AUÐVELDUR VEISLUKOSTUR Þegar góða veislu gjöra skal er tilvalið
að velja rétti sem er auðvelt og fljótlegt
að gera. Tíminn er yfirleitt af skornum
skammti í nútímaþjóðfélagi og því er til að
mynda ostabakki ljómandi uppástunga sem
virkar vel við hvaða tækifæri sem er. Hvort
sem það er stúdentsveislan, Eurovision-
partí eða kosningavaka, ostabakkinn virkar
vel.
Í sérstökum ostabúðum er hægt að
kaupa tilbúnar ostakörfur eða velja sjálfur
þá osta sem mann langar til að hafa á
bakkanum. Gott er að hafa nokkra mis-
munandi osta, íslenska og erlenda, mjúka og harða. Svo er ekki úr vegi
að bera fram með ostunum vínber, kex og sultur og skola því niður með
góðu víni.
HRESST UPP Á BOÐIÐ Sumar veislur þarf að
lífga upp á, til dæmis með leikjum. Einn slíkur er hinn
víðfrægi stólaleikur sem hressir mannskapinn. Hér á eftir
kemur lýsing á leiknum en taka skal fram að betra er að
hafa nóg pláss þegar hann er leikinn.
Raðið stólum í tvær raðir (eða hring) sem
snúa stólbökunum saman. Stólarnir eiga að
vera einum færri en þátttakendur. Allir raða sér
kringum stólana en mega aldrei snerta þá með
höndunum. Nú spilar einhver á hljóðfæri eða
leikur tónlist. Þá eiga allir að ganga af stað í
kringum stólana. Eftir smá stund þagnar tónlistin
og þá eiga allir að setjast. Sá sem er úr tekur einn
stól úr röðinni um leið og tónlistin byrjar aftur og
halarófan gengur af stað. Þannig er alltaf einn úr í
hvert skipti sem tónlistin þagnar.
DJAMMAÐ MEÐ RUSLÖNU Gott þema er grund-
völlur vel heppnaðs Eurovision-partís. Þemað getur
verið af ýmsum toga. Til dæmis geta gestir mætt sem
fulltrúar einnar þjóðar, klædd í fánaliti eða með fána. Þá
má einnig fá gesti til að klæðast búningum á borð við
þá sem söngvarar hafa komið fram í í gegnum tíðina í
keppninni.
Ekki væri amalegt að skemmta sér með Ruslönu,
Silvíu Nótt, Eika Hauks og fleiri góðum.
GERUM EINS OG NORÐMENN
Í tilefni þess að Norðmenn halda
Euro vision í ár er um að gera að
leita í rann þeirra þegar veisluföngin eru
ákveðin. Laxinn er til dæmis einkenn-
andi fyrir Noreg og hæg heimatökin
fyrir Íslendinga að nálgast reyktan lax
úti í búð.
Reyktur og grafinn lax er veislufæða
sem fæstir fúlsa við. Hann hentar því
einstaklega vel á hlaðborð veitinga sem
boðið verður upp á í fínni Eurovision-
boðum.
EKKERT ÁFENGI Jóhanna Guðrún er bindindismanneskja en segist skemmta
sér jafn vel fyrir það. Reyndar svo mjög að oft líti hún út fyrir að vera undir
mestum áhrifum þótt aldrei bragði hún dropa.
FR
É
TT
A
B
LA
Ð
IÐ
/A
N
TO
N