Morgunn - 01.06.1929, Page 35

M O R U U N N
29
manna, sem allir voru alls ókunnugir málum í Serbíu?
Richet gefur eiginlega enga skýringu á því, en Sir Oliver
hugsar sér, að verið geti, að t. d. Myers hafi verið við
það riðinn að senda vini sínum Richet þessa frjett til þess
að sýna yfirvenjulegt fyrirbrigði, en Myers var þá, sem
kunnugt er, dáinn fyrir rúmum tveimur árum. —
Annað dæmið fjallar um kosningu Hindenburgs til
forseta í þýzka lýðveldinu. Sunnudagskvöldið 26. apríl
1925 sátu Lodge-hjónin ásamt tveimur vinkonum sínum
á sambandsfundi í París og voru að tala við Raymond
með borðhreyfingum. Raymond var sonur þeirra hjón-
anna og fjell í stríðinu Alt í einu kl. 10 stafar Raymond:
„Hindenburg er kominn að. Jeg ætla að fara og sjá
gamanið. Góða nótt. R. L.“ En næsta dag kom svo-
hljóðandi tilkynning í blaði: „Reuter-skeyti afgreitt frá
Berlin kl. 1,18 í nótt hermir, að Hindenburg sé kosinn“.
Þriðja dæmið er e. t. v. einkennilegast. Maður hét
James L. Chaffin, bóndi í Davie County, Norður-Karo-
B'nu í Kanada. Hann var giftur og átti fjóra syni. Þ. 16.
nóv. 1905 gerði hann lögmæta erfðaskrá og eftirlét þar
næst-yngsta syni sínum, Marshall, jörðina og búið, en
Itonu sinni og hinum sonunum þremur ekki neitt. Sextán
árum síðar, 7. sept. 1921, dó arfleiðandi af byltu, sem
hann fékk. Erfaskráin var ekki vefengd af ekkjunni
°g bræðrunum þremur, en nokkrum árum síðar, 1925,
kom nokkuð skrítið fyrir. Næst-elzta soninn, sem segist
aldrei hafa heyrt getið um aðra erfðaskrá af hendi föður
síns en þessa frá 1905, fór í júní það ár að dreyma föður
sinn oft og greinilega, en ekki hafði faðir hans nein orð
fyr en seint í júní, er hann birtist enn við rúm sonar
síns og var í svörtum yfirfrakka, sem sonurinn þekti að
hann hafði átt. f þetta skifti tók faðirinn í frakka sinn
°S sagði: „Þú munt finna erfðaskrána mína í frakkavasan-
um mínum“, og hvarf síðan. Næsta morgun fór sonurinn á
fætur, sannfærður um, að draumurinn hefði verið sönn
vitran, fór til móður sinnar og leitaði að frakkanum, en