Morgunn - 01.12.1944, Qupperneq 59

MORGUNN
153
Móðirin fann dóttur sína.
Frásagnir skáldkonunnar Florence Marryat.
Einn af lesendum MORGUNS, kona, sem nefnir sig
,,Móður“, kveðst hafa orðið sérlega hrifin af frásögn
ensku skáldkonunnar Florence Marryat í erindinu
„Hvað hefur sannazt?“, sem birtist í MORGNI,
XXIII, 1. Þar segir hin fræga skáldkona frá því,
hvernig dóttir hennar, sem andaðist aðeins tíu daga
gömul, sannaði sig móður sinni hjá miðlum mörgum
árum siðar. Lesandinn óskar þess, að fá að heyra
frekar af þessu merkilega máli. Við þeirri ósk vill
MORGUNN gjarna verða, og væri ritstjóranum kært
að fá tækifæri til að verða við fleiri slíkum óskum
lesendanna og svara þeim spurningum, sem hjá þeim
kunna að vakna við lestur þess efnis, sem ritið flytur.
Kunn ensk kona, Sylvia Barbanell, kona Maurice
Barbanell, sem er ritstjóri víðlesnasta spíritistablaðs
veraldarinnar, „Psychic News“, gaf út fyrir nokkru
merkilega bók, sem hún nefndi „Þegar barn deyr“
(When A Child Dies). Eins og titillinn bendir til, fjall-
ar bókin um börnin, sem hverfa af vorum heimi, og
er þar fjöldi af merkilegum frásögnum af framliðn-
um börnum, sem hafa sannað foreldrum sínum í geglf
um miðla, að þau lifa', þótt látin séu. 1 bókinni er miklu
ítarlegri frásögn en sú, sem MORGUNN flutti, af
reynslu Florence Marryat, og fer hún hér eftir í þýð-
ing ritstj.
Þótt andalíkami framliðinna beri ekki á sér lýti eða van-
skapnað jarðneska líkamans, taka þeir oft á sig gömlu,
jarðnesku likamslýtin um stund, til þess að sanna sig fyr-
ir hinum jarðnesku vinum hjá líkamningamiðlum. Jarðlíf