Morgunn - 01.06.1953, Qupperneq 27

MORGUNN
21
annað að velja í öðru lífi en himnaríki og helvíti, þar á
milli er ekkert, en einmitt kenningin um eilífa glötun er
og hefur verið fjölda hugsandi manna ógeðfelld og óskilj-
anleg, þegar þeir hins vegar hafa trúað á gæzku guðs. Af
þessum sökum hefur þessi þáttur trúarbragðanna orðið
þeim annað hvort dauður bókstafur, sem þeir hafa ekkert
tillit tekið til, og þvi á engan hátt getað orðið þeim til
góðs eða ills eða haft áhrif á breytni þeirra, eða þá kenn-
ing þessi hefur fyllt þá ótta, sem eitrað hefur líf þeirra
að meira eða minna leyti. Og hvernig sem vér veltum
þessu máli fyrir okkur er allsendis ókleift að finna nokkrar
líkur til þess, að skoðun spíritista á öðru lífi og samband-
inu við annan heim geti orkað á þá lund, að gera manninn
verri eða siðspilltari, heldur þvert á móti. Og ég hygg, að
einmitt megi finna þess ótalmörg dæmi, að menn hafi
beinlínis snúið sér að trúarlegum og siðrænum efnum fyrir
áhrif spíritismans. Kynnin af kenningum hans hafa leitt
til þess, að þeir hafa þótzt sjá lífið í nýju ljósi og sann-
færzt um háleitan tilgang þess og tilveru guðs, forsjón
hans og gæzku. Og aldrei hef ég heyrt um nokkurn mann,
sem hafi farið öfuga leið, að hann hafi gerzt guðsafneitari
og varpað fyrir borð siðferðilegri ábyrgð á breytni sinni.
Og svo framarlega sem meira beri að meta hjartalag
mannsins en þær játningar, sem hann gerir með vörunum,
þá er það staðreynd, að kenningar spíritismans hafa reynzt
til góðs en ekki ills. Mér virðist frá trúarlegu sjónarmiði
séð, þá sýni þær einungis nýja leið, sem maðurinn getur
farið í leit sinni að guði.
En strangtrúarmenn munu segja, að oss sé bannað að
skyggnast um þessa hluti. Það sé skýrt fram tekið i guðs
orði, að ekki skuli leita frétta af framliðnum. Og hér
komum vér einmitt að því atriði, sem mest hefur ætíð
skilið að trú og þekkingu. En ef kenning spíritista skyldi
nú vera rétt, getur þá nokkur mannleg skynsemi viður-
kennt það sem syndsamlegt, að leita þeirrar þekkingar?
Ég held varla. Engum manni mundi verða lagt það til