Morgunn - 01.06.1953, Qupperneq 68

Forspár,
eftir
Dr. WILLS.
★
Eitt hið athyglisverðasta og furðulegasta allra sálrænna
fyrirbrigða er forspáin, að segja fyrir hið ókomna, að fá
hugboð eða vitneskju í svefni, í vitrun eða fyrir innsæis-
gáfu um atburði, áður en þeir gerast. Stundum auðnast
að segja hið ókomna fyrir án þess að segja, hvenær at-
burðirnir verði, en fyrir kemur hitt, að nákvæm tíma-
ákvörðun fylgir forspánni.
Mörgum alvarlegum og hugsandi mönnum varð mikið
um það að margir spádómar brugðust, sem staðhæft. höfðu,
að ekki kæmi til styrjaldar árið 1939. Styrjöldin kom.
Vera má að í þessum efnum sé gamla helgisögnin um
Kassöndru lærdómsrík.
Kassandra var fegurst allra dætra Príams Trójukonungs
og konu hans, Hekúbu, og varð guðinn Apolló ástfanginn
af konungsdótturinni. Guðinn veitti henni eftir beiðni
hennar spádómsgáfu, en vegna þess að hún stóð ekki við
orð sín, lagði hann það á, að enginn maður skyldi leggja
trúnað á spádóma hennar. Hinir sönnu spádómar hennar
um sögulega viðburði með þjóð hennar, svo sem hrun og
eyðileggingu Trójuborgar, rættust, en fólkið tók þeim
með háði og áleit konungsdótturina ekki með öllu viti,
þegar hún var að koma fram með spádóma sína. Ef ráð-
um hennar hefði verið fylgt, hefði verið unnt að komast
hjá ógæfunni. En þá hefðu spádómar hennar heldur ekki
reynzt sannir!
Þetta er vandamálið mikla í sambandi við spádómana.