Morgunn - 01.06.1953, Blaðsíða 24
18
MORGUNN
hjartanleg sannfæring og það, að trú sjálfra þeirra leiði
þá til guðs og eilífrar sælu, og vegur þeirra sé leið sann-
leikans og réttlætisins. Þeir berjast baráttu sinni fullir
heilagrar vandlætingar, til þess að fá hamlað gegn valdi
óvinarins, sem alls staðar sé nálægur til að leiða oss vesæla
menn í glötun.
En svo er sá flokkurinn, sem berst gegn spíritismanum
í nafni vísinda og þekkingar. Um þá og afstöðu þeirra er
miklu erfiðara að gera fulla grein. Sumir þessara manna
eru andvígir spíritisma af því, að þeir telja hann í mót-
sögn við eðli náttúrunnar, þau sem kunn eru. Ekkert líf
geti átt sér stað nema í sambandi við tiltekið efni. Sumum
þessara manna er þetta jafn heilagt mál og sannfæringar-
atriði og strangtrúarmönnunum. Aftur á móti eru aðrir,
sem minna eru hlutvandir. Þeir aðhyllast í raun réttri
hvorki trú né vísindi, en þeim er skoðun spíritista á líf-
inu, eða öllu heldur framhaldi þess, þyrnir í augum, af því
að hún brýtur í bága við lífsskoðun þeirra sjálfra, eða þeir
telja hana þránd i götu fyrir ætlunum sínum og athöfnum.
Þeir vilja varpa fyrir borð þeirri siðferðisábyrgð, sem kenn-
ing spíritista óneitanlega leggur mönnum á herðar, og
gerir þeim erfitt fyrir um boðun pólitískra trúarbragða,
eða tálmar þeim að beita þeim bolabrögðum, sem svo mjög
tíðkast í mannlegu samfélagi nú á dögum. En þar sem
þessir menn eru jafn andvígir trúarbrögðunum og kenn-
ingum spíritista, þá tefla þeir fremur fram vísindunum
máli sínu til stuðnings, að minnsta kosti svo lengi, sem þeir
halda, að þau bregði ekki fæti fyrir þeirra eigin skoðanir
og umbrot í mannheimi.
En auk þessara forystumanna, ef svo mætti kalla þá,
er svo fjöldinn, sem ýmist eru menn, sem er ógeðfelld
hugsunin um framhaldslíf, og kærir sig ekkert um rök-
ræður um þau efni, eða menn, sem gera sér naumast Ijóst
um hvað er deilt, en fylgja einhverjum þessara flokka á
líkan hátt og menn láta dragast í dilka pólitískra flokka.
Meðal þeirra eru ýmsir, sem hafa gaman af að heyra háð-