Morgunn - 01.06.1953, Blaðsíða 30
24
MORGUNN
þessi fyrirbrigði séu og hvernig á þeim standi. 1 því efni
kemur fernt til greina: 1 fyrsta lagi, að beinlínis sé um
svik að ræða, þ. e. fyrirbrigðin séu tilbúin af óhlutvöndum
mönnum í gróðaskyni, eða til þess að valda umtali og
uppsteit. 1 öðru lagi, að þau séu sjálfsblekkingar þeirra,
er við tilraunirnar hafa fengizt, sem trúgimi þeirra, hugar-
flug, og þrá eftir framhaldslífi hafi skapað, í þriðja lagi,
að hér sé um að ræða krafta, sem búi í manninum sjálf-
um, og eigi ekkert skylt við framliðnar vitsmunaverur,
þ. e. undirvitund mannsins sé hér einungis að verki, eins
og margir hafa haldið fram, og í fjórða lagi, að fyrir-
brigðin séu raunveruleg og jafnóhrekjandi staðreyndir og
efnabreytingar eða eðlisfræðileg fyrirbæri, sem gerast á
tilraunastofum, og enginn leyfir sér að efast um, eftir að
vísindamennirnir hafa gefið út úrskurð sinn þar um.
Hér er ekki færi á að rekja þau fyrirbrigði, sem gerzt
hafa á fundum spíritista, eða meðal þeirra. En benda má
á nokkur atriði, sem margir menn hafa verið vitni að í
fjölda landa. Það hafa heyrzt högg og hljóð, talað hefur
verið ýmsum tungum og mörgum röddum samtímis, án
þess nokkur viðstaddur hafi getað gert þess grein. Hlutir
hafa flutzt úr stað, og síðast en ekki sízt verur, jafnvel
áþreifanlegar, hafa sézt, og hafa talið sig vera framliðna
menn, sem sumir hafa þekkzt af þeim, er viðstaddir voru,
myndir framliðinna hafa komið fram á ljósmyndaplötur,
og umfram allt hafa hinir framliðnu sent skeyti, sem
óhugsandi virðist vera, að nokkur jarðneskur maður hafi
getað haft hugmynd um, og fram hefur komið grúi af
svokölluðum endurminningasönnunum. Það, sem hér er
talið, er að vísu fátt eitt af öllu því, sem um er að ræða,
en nógu margt til þess, að vér hljótum að spyrja: Hvað
er þetta? Og vér vitum, að fyrirbrigði þessi hafa ekki að-
eins gerzt í viðurvist fákænna, ómenntaðra og auðtrúa
sálna, heldur hafa þau verið skoðuð og könnuð árum sam-
an af hinum lærðustu mönnum, sem getið hafa sér heims-
frægð fyrir rannsóknir sínar á raunvísindum.