Morgunn - 01.12.1957, Blaðsíða 23
MORGUNN
109
þar var faðir hans dómari. Nafnið Allan Kardec tók hann
upp, er hann fór að skrifa bækur sínar um spíritisma.
Hann trúði því sjálfur, að nöfnin Allan og Kardec hefði
hann borið í fyrri jarðvistum og taldi sig hafa fengið þá
vitneskju gegnum áreiðanlegan miðil, en hann var ein-
dreginn endurholdgunarsinni.
Fyrstu bernskuárin lifði hann í föðurhúsum og fékk
hið bezta uppeldi, en þegar foreldrum hans þótti tími til
kominn að hann færi að heiman, sendu þeir hann til
frægasta uppeldisfrömuðar þeirra tíma, hins fræga Pesta-
lozzis í Sviss. Honum sóttist námið afburða vel, og hafði
Pestalozzi svo miklar mætur á honum, að hann fól honum
að kenna við hinn víðfræga skóla sinn, meðan hann var
á ferðum sínum að stofna systurskóla frá skólanum sínum
í Yverdun.
Allan Kardec — því nafni mun ég halda hér, því að
svo er hann frægastur — lagði stund á náttúruvísindi
með ágætasta árangri og varð síðar doktor í læknisfræði
með stórmiklu lofi. Auk þess var hann afburða málamað-
ur og talaði til fullnustu, að því er sagt var,. þýzku, ensku,
ítölsku, spönsku og sæmilega hollenzku, auk móðurmáls-
ins, frönskunnar.
Þegar námsárunum hjá Pestalozzi lauk, fór Allan Kar-
dec til Parísar og stofnaði þar skóla, sem starfaði eftir
meginreglum hins fræga uppeldisfrömuðar. Móðurbróðir
hans hafði lagt fram allmikla peninga til að stofna skól-
ann, en varð sakir óreiðu gjaldþrota, svo að loka varð
skólanum og Allan Kardec og kona hans misstu þar eignir
sínar og stóðu allslaus eftir.
Þá tók hann fyrir að skrifa námsbækur um ýms efni,
sem hlutu eindregin meðmæli frönsku kennslumálastjórn-
arinnar. Þær seldust afar mikið, og eftir það var fjárhag-
ur hans góður til æviloka. Hann tók að kenna heima hjá
sér efnafræði, eðlisfræði, stjörnufræði og samanburðar-
líffærafræði og hlaut næst fasta kennarastöðu. Starfsorka
hans var nær því ótrúleg, þekking hans á ýmsum grein-
L.