Morgunn - 01.12.1957, Blaðsíða 30
116
MORGUNN
stundum hefir verið vitnað til í MORGNI, skrifar Wemer
Giinther, sem heima á í Rio de Janeiro, höfuðborg Brasilíu,
þannig:
„Ég vil ekki láta undan draga að segja skoðanabræðr-
um mínum og -systrum frá ... hátíðahöldunum 18. apríl í
Frakklandi og Brasilíu. Þann dag fyrir 100 árum kom út
í París Bók andanna eftir Allan Kardec. Síðan hefir sú
bók verið þýdd á 12 tungumál og portúgalska þýðingin
hefir komið út í 25 útgáfum. 226 þúsund eintök af bók-
inni hafa verið gefin út hér í Brasilíu. ... Bækur hans
njóta virðingar og samúðar menntaðra Brasilíumanna í
öllum stéttum þjóðfélagsins, og þær hafa haft sín áhrif
til þess að efla hið djúp-trúarlega og þó umburðarlynda
andlega líf þjóðarinnar á þessari öld. I þakklætisskyni
fyrir þá staðreynd hefir póstmálastjóm Brasilíu látið
gefa út 5 milljónir af nýjum frímerkjum með mynd Allan
Kardecs. Sennilega er það fyrsta frímerki veraldarinnar,
sem gefið er út í minningu spíritismans“.
Það er að sjálfsögðu erfitt að gera sér þess grein nú,
hverjar vonir þessi frumherji spíritismans í Frakklandi
hefir gert sér um framgang þess málefnis, sem hann mætti
að sjálfsögðu mikilli andstöðu fyrir að bera fram fyrir
100 árum. En þótt allir spíritistar geti ekki verið sammála
um þá stefnu, sem hann tók, er hans minnzt með virðingu
meðal spíritista víða um heim. Á alheimsþingi spíritista,
sem háð var í París nú í september, var honum helgaður
hluti af dagskrá þingsins. Sumir menn aðhyllast hreyf-
inguna fyrst og fremst sem trúarlega lífsstefnu og heims-
skoðun, aðrir sem vísindalega sannleiksleit. Allan Kardec
var í flokki hinna fyrrnefndu, og sú er vafalaust ástæða
þess, hve áhrif hans hafa orðið mikil meðal hinna róm-
önsku þjóða, þar sem rómverska kirkjan á sterkust ítök
i hugum manna.
Jón Auöuns.