Morgunn - 01.12.1957, Blaðsíða 29

MORGUNN
115
miðaldalega brölti rómversku kirkjunnar. 9. okt. 1861, kl.
10,30 árdegis, lét biskupinn brenna þessar 300 bækur á
opnu torgi í Barcelóna, þar sem vant var að taka af lífi
menn, er dæmdir höfðu verið til dauða. Meðal viðstaddra
voru: prestur í fullum skrúða, sem bar krossinn í annarri
hendi og blys í hinni, háttsettur tollembættismaður, þrír
piltar úr starfsliði tollstofunnar, sem áttu að annast um
að viðhalda eldinum. Geysilegur mannfjöldi fyllti hið
stóra torg, og þegar athöfninni var lokið og presturinn og
aðstoðarmenn hans héldu burt, hrópaði mannf jöldinn, eins
og einum rómi: „niður með trúvillingadómstól kirkjunn-
ar!“ og mörg önnur bitur reiðiorð.
Allan Kardec helgaði spíritismanum, eins og hann skildi
hann og túlkaði, geysilegt starf. Þegar í byrjun starfsár-
anna hafði ósýnilegt afl tjáð honum, að hann mundi ekki
verða langlífur, og hið sama var endurtekið við hann oft-
ar. Líklega hefir hann lagt trúnað á þetta, og m. a. þess
vegna vildi hann ekki unna sér hvíldar, en starfa sem
bezt þær stundir, sem Guð vildi gefa honum til starfsins.
Starfsdagurinn hófst venjulega kl. 4,30 að morgni. 31.
marz 1869 gafst hjartað upp og hann fékk snögg ævilok,
64 ára gamall.
Og áhrif hans hafa síðar orðið mikil, mikil í Frakk-
landi, nokkur á Spáni og í mörgum öðrum löndum, en
líklega hvergi meiri en í hinni rómversk-kaþólsku Brasi-
líu. Sá trúræni spíritismi, sem A. K. boðaði, hefir átt
greiða leið að hinum rómönsku íbúum Brasilíu, og endur-
holdgunartrúin, sem A. K. setti í brennipunkt spíritism-
ans, raunar í margra hinna ágætustu spíritista óþöklc,
hefir náð hugum margra manna þar og þó miklu víðar.
Áhrif spíritismans eru sennilega hvergi meiri en í Brasi-
líu, fjöldamörg sterk félög eru þar starfandi, blöð gefin
út, útvarpsstarfsemi mikil til að breiða málið út. Þar
starfaði undramiðillinn Mirabelli og aðrir merkir miðlar
hafa komið þar fram.
I júníhefti þýzka tímaritsins Okkulte Stimme, sem