19. júní - 19.06.1990, Blaðsíða 9
VÉR FÖGNUM!
Vér fögnum þessum fagra júnídegi,
hann færði góðan boðskap okkar þjóð;
og sérhvert ár, er sól hans rís úr legi
vér sigurglaðar hefjum vorsins óð.
Vér skiljum vel, hve þunga ábyrgð eigum
er öðlast höfum lengi þráðan rétt,
við þetta skref vér þó ei hika megum,
því þroska vorsins takmark skal ei sett.
I.slensk skáld voru iðin við að
minnast kvennadagsins 19. júní í Ijóðum
sínum. í riti sem Kvenréttindafélagið gaf
út árið 1947 í tilefni 40 ára afmælis síns,
er að finna kvæði eftir Ingibjörgu Bene-
diktsdóttur, Þorstein Erlingsson, Guðmund
Guðmundsson, Matthías Jochumsson,
Guðrúnu Stefánsdóttur, Stephan G. Step-
hansson, Maríu Jóhannsdóttur, Guðmund
Magnússon og Ólínu Andrésdóttur. Kvæð-
in eru ort í minni kvenna, sem óður til 19.
júní og kveðjur til félagsins, eða bera ein-
faldlega nafnið 19. júní. Andi orðanna, sem
skáldin binda í hefðbundin Ijóð í takt við
tíðarandann hverju sinni, segir sína sögu
um þann hug, sem borinn var til dagsins.
Flest kvæðanna eru eftir Ingibjörgu Bene-
diktsdóttur og við birtum hér þrjú erindi úr
Ijóði hennar Hátíðisdagur kvenna 19. júní
1916.
Vér fögnum þessum fögru júnídögum.
Vér finnum vorið anda nær og fjær; -
Já, ákvæðin, sem urðu í dag að lögum,
þau eru líka vorsins frjálsi blær.
Að finna skilning, finna samúð hlýja,
sem frá þeim stafar, - traust og bróðurþel.
Það göfgar viljann, klæðir krafta nýja,
og gefur okkur þrek að starfa vel.
Vér fögnum öllum fögrum júnídögum,
með fullu trausti biðjum þess í dag,
að allt það besta, er býr í þessum lögum
sé blessun vorsins yfir landsins hag.
I vorsins nafni stefnu og störf skal hefja:
að styrkja, vernda, - þerra tár af kinn,
um hlíð og strendur vorsins gróðri að vefja
og vorblæ tímans leiða í hjörtun inn.
Kvenna-
sögu-
safn
Islands
Kvenna-
sögusafn
íslands
Hjarðarhaga 26,
Reykjavík, sími 12204.
9