Fréttablaðið - 04.12.2010, Page 12

12 4. desember 2010 LAUGARDAGUR
FISKELDI Nýr stofn af eldislaxi í
Síle sprettur að stórum hluta upp
úr hrognum sem fengin eru frá
Eldislaxi í Hafnarfirði. Ísland er
eitt fárra landa sem geta flutt út
hrogn vegna krafna sem gerðar
eru um sjúkdómavarnir.
Í fyrra nam útflutningur Stofn-
fisks í Hafnarfirði um 40 millj-
ónum hrogna. Fram kemur á vef
fyrirtækisins að stefnt sé að því
að árleg framleiðsla nemi 50 til 70
milljónum hrogna og að 90 prósent
framleiðslunnar séu til útflutn-
ings.
Að sögn Jónasar Jónassonar,
framkvæmdastjóra Stofnfisks,
fást á milli sex og sjö hundruð
milljónir króna fyrir 40 milljón
hrogn. Úr slíku magni segir Jónas
hægt að framleiða 60 til 70 þúsund
tonn af fiski.
Jónas segir að iðnaður með eld-
islax hafi hrunið í Síle árin 2007
og 2008 þegar þar kom upp mjög
skæður veirusjúkdómur. „Það
sem einkenndi iðnaðinn í Síle var
hversu samþjappaður hann var
og sjúkdómurinn breiddist mjög
hratt út. Menn fóru svo að byggja
upp aftur með því að
taka inn hrein hrogn og
breyta framleiðsluað-
ferðum og þá jókst áhug-
inn á okkur,“ segir hann,
en hér hafi viljað svo til
að nokkuð hafi verið til
af hrognum og Ísland
verið laust við sjúk-
dóminn. „Þannig að við
höfum verið að flytja út
til þeirra og hjálpa þeim
aðeins að byggja þetta
upp aftur.“
Auk útflutnings til Síle
segir Jónas að Stofnfisk-
ur hafi flutt út hrogn á
markaði í Evrópu og á
vesturströnd Bandaríkj-
anna. „Og þeir kalla ekki
allt ömmu sína þegar að því kemur
að leyfa innflutning.“
Stöðugur stígandi
hefur verið í útflutningi
Stofnfisks síðustu ár
og segir Jónas útflutn-
ing ársins í ár kominn í
svipaða tölu og allt árið
í fyrra. Þá gerir Jónas
ráð fyrir áframhald-
andi vexti í útflutningi
hrogna héðan. „Þetta
er alþjóðamarkaður og
menn eru að herða kröf-
urnar meira og meira
varðandi sjúkdóma-
mál.“
Stofnfiskur var stofn-
aður árið 1991 af Laxeld-
isstöð ríkisins í Kolla-
firði fyrir hönd ríkissjóðs, sem
átti þrjá fjórðu í fyrirtækinu, og
Silfurlaxi, sem átti fjórðungs-
hlut. Á vef Stofnfisks kemur fram
að upphaflega hafi mest áhersla
verið lögð á kynbætur fyrir haf-
beit, síðustu ár hafi mest áhersla
verið lögð á sölu hrogna og ráð-
gjafarþjónustu til laxeldis.
olikr@frettabladid.is
HJÁ STOFNFISKI Jónas Jónasson, framkvæmdastjóri Stofnfisks, segir fyrirtækið flytja út
um 40 milljón eldislaxahrogn. Ísland er laust við sjúkdóma sem leikið hafa eldi grátt
annars staðar og því eitt fárra landa sem flytja mega út hrognin. FRÉTTABLAÐIÐ/STEFÁN
Hrognin verða að
70 þúsund tonnum
Ísland er eitt fárra landa sem getur flutt út laxahrogn vegna krafna sem gerð-
ar eru um sjúkdómavarnir. Íslensk hrogn byggja upp laxeldi í Síle eftir hrun.
Stofnfiskur flutti í fyrra út 40 milljón hrogn fyrir 600-700 milljónir króna.
NEYTENDUR Ný verðkönnun sem verðlagseft-
irlit ASÍ gerði á bökunarvörum í verslunum
leiddi í ljós að Bónus var oftast með lægsta
verðið. Samkaup Úrval var oftast með hæsta
verðið. Kostur í Kópavogi neitaði þátttöku.
Könnunin var gerð 1. desember síðastlið-
inn og var kannað verð á 56 algengum vörum
til baksturs. Bónus var með lægsta verðið í
37 tilvikum en í nær 50 prósentum tilfella
var um eða undir tveggja krónu verðmunur á
Bónus og Krónunni. Samkaup Úrval var með
hæsta verðið, í 27 tilvikum, en Nóatún var
næstoftast með hæsta verðið, í 20 tilvikum.
Mikill verðmunur reyndist vera á bökun-
arvörum. Ódýrasta kílóverðið á hveiti var í
Bónus, þar sem það kostaði 79 krónur. Dýr-
ast var það í Hagkaup á 134 krónur, en þetta
er um 70 prósenta verðmunur. Munur á verði
á sykri reyndist líka mikill, en ódýrasti syk-
urinn er í Bónus á 185 krónur kílóið en dýr-
astur í Nóatúni og Samkaupum Úrvali, á 243
krónur.
Könnunin var gerð á sama tíma í eftirtöld-
um verslunum: Bónus Kringlunni, Krónunni
Reyðarfirði, Nettó Akureyri, Fjarðarkaup-
um Hafnarfirði, Samkaupum Úrval Akureyri,
Hagkaupi Kringlunni og Nóatúni í Nóatúni. - sv
Ný verðkönnun ASÍ á hinum ýmsu bökunarvörum í verslunum víða um land:
Lægsta verðið í Bónus en hæsta í Samkaupum
MATVÖRUR Mikill munur reyndist vera á verði einstakra
vöruflokka í nýrri könnun ASÍ. FRÉTTABLAÐIÐ/HEIÐA
REYKJANESBÆR Fulltrúi Samfylking-
arinnar í stjórn Fasteigna Reykja-
nesbæjar ehf., sem heldur utan um
félagslega íbúðakerfið í bænum,
hefur kallað eftir skýrri framtíð-
arsýn sjálfstæðismanna í meiri-
hlutanum varðandi félagið.
Endurskoðandi félagsins hefur
síðustu ár bent á að til þess að
leysa rekstrarvanda félagsins þurfi
annað hvort framlag frá Reykja-
nesbæ eða að leggja í lántökur.
„Ég vil vita hvert meirihlutinn
ætlar sér með félagslega kerfið og
þetta félag,“ segir Hannes Frið-
riksson, fulltrúi Samfylkingarinn-
ar, í samtali við Fréttablaðið. „Ætla
þeir að leggja inn þetta fjárfram-
lag sem er kallað eftir eða fara
aðrar leiðir.“
Böðvar Jónsson, stjórnarfor-
maður Fasteigna Reykjanesbæj-
ar og forseti bæjarstjórnar, segir í
samtali við Fréttablaðið að ljóst sé
að félagið hafi ekki getað unnið sig
sjálft út úr erfiðleikunum.
„Við þurfum að meta hvernig
félagið geti orðið rekstrarhæft til
framtíðar. Það er sjálfsagt að gera
og góð ábending.“
Um 230 íbúðir eru í kerfinu, en
nýlega var ákveðið að hækka leigu-
verð í hluta þeirra. Að sögn Böðv-
ars var það til að fylgja vísitölu og
viðmiðum Íbúðalánasjóðs.
- þj
Deilt á sjálfstæðismenn varðandi félagslegt íbúðakerfi Reykjanesbæjar:
Kallar eftir framtíðarstefnu
BÖÐVAR
JÓNSSON
HANNES
FRIÐRIKSSON
Senn líður að jólum og fagnar FAAS því með árlegum jólafundi sem að þessu sinni
verður haldinn í Maríuhúsi við Blesugróf 27 í Reykjavík, þriðjudaginn 7. desember
og hefst hann kl. 20.00
Dagskrá:
• Söngkórinn Heklurnar frá Mosfellsbæ syngur
• Sr. Hjörtur Magni Jóhannesson, prestur Fríkirkjunnar í Reykjavík flytur
jólahugvekju
• Guðni Th. Jóhannesson les upp úr ævisögu Gunnars Thoroddsen
• Tónlistaratriði frá Tónlistarskóla Seltjarnarness
• Helga Thorberg les upp úr bók sinni „Loksins sex bomba á sextugs aldri“
• Félagsmenn og aðrir velunnarar félagsins eru hvattir til að mæta.
• Kaffi og smákökur verða í boði Maríuhúss.
Bestu kveðjur, stjórn FAAS
FAAS - Félag aðstandenda alzheimersjúklinga og annarra skyldra sjúkdóma
Hátúni 10 b, 105 Reykjavík
Nafn Eignarhlutur
HB Grandi hf. 64,53%
Brú Venture Capital 10,47%
Vogun hf. 7,44%
Fjord Seafood ASA 7,43%
Venus hf. 4,02%
Smærri hluthafar (níu talsins) 6,11%
Heimild: www.stofnfiskur.is
Stærstu hluthafar
í Stofnfiski hf.Þetta er
alþjóðamark-
aður og menn
eru að herða
kröfurnar
meira og
meira.
JÓNAS JÓNASSON
FRAMKVÆMDA-
STJÓRI STOFNFISKS
Á BÆN Í BEIRÚT Þessi stúlka tók þátt í
bænahaldi í mosku í Beirút, þar sem
miklir þurrkar undanfarið hafa orðið til
þess að menn biðja ákaft um rigningu.
FRÉTTABLAÐIÐ/AP
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari upplýsingar á:
visir.is/dreifing
FRÉTTABLAÐIÐ Á NETINU