Fréttablaðið - 04.12.2010, Síða 94

66 4. desember 2010 LAUGARDAGUR
F
yrir utan skúrinn hans
Kidda var heill haugur af
alls konar dóti og rusli.
Þarna var að finna þvotta-
vélar, ísskápa, járnrör, víra af
öllum stærðum og gerðum og ótelj-
andi vélar hluti, dekk, hjól og gamla
bíla. Lára klöngraðist yfir draslið.
Þetta leit út eins bílakirkjugarður
í einkaeign.
Lára opnaði dyrnar varlega og
gekk inn. Útvarpið var í botni og
amerísk rokktónlist frá sjötta ára-
tugnum glumdi úr tækinu. Á gólf-
inu, hálfur undir risastóru mótor-
hjóli, lá maður kominn yfir sextugt
með brilljantín í hárinu og í svört-
um stuttermabol. Hann var með
eyrnalokk í öðru eyranu og geir-
fugl tattóveraðan á vinstri upp-
handlegg.
– Ertu að selja eitthvað, félagi?
spurði maðurinn og hélt áfram
að bisa við einhverjar skrúfur á
meðan hann beið eftir svari.
– Umm, Steinunn bað mig að
minna þig á að ná í einhvern Hafn-
fjörð? sagði Lára hikandi. Kiddi
kom undan mótorhjólinu og leit á
klukkuna.
– Hva, við höfum nógan tíma.
Ertu til í að rétta mér olíuna
þarna?
Lára teygði sig í svartan brúsa
og rétti manninum hann. Hún leit
á hendurnar á sér og sá að hún var
öll klístruð, svo hún þurrkaði sér
í buxurnar. Hún yrði svo sannar-
lega að setja þær í þvott þegar hún
kæmi heim. Maðurinn reis upp og
leit á hana.
– Hvað sagðistu annars heita?
Lára.
– Lára? Hans Gunna Hildar?
Lára glennti upp augun.
– Hvað, er ég fræg og missti af
því?
– Ég sá þig í jarðarförinni. Sorg-
legt, félagi.
Maðurinn tók í höndina á Láru
sem reyndi að gretta sig ekki
þegar hún sá tjöruna sem lak af
honum.
– Ég þarf að tala við konu sem
heitir Dídí. Veistu hvar ég finn
hana? spurði Lára áköf.
– Ertu vitlaus, stelpa. Ekki á
meðan hún er að setja á sig and lit-
ið, sagði Kiddi og hló.
– Pabbi var nefnilega … Um leið
sneri Kiddi svisslyklinum til að
setja hjólið í gang. Pængkapaffff!!!!
Lára stökk upp og hentist aftur á
bak. Hvellurinn bergmálaði um
allan skúrinn. Hana verkjaði í
eyrun. Grafarþögn.
– Sprakk það? spurði Lára og
færði sig varlega nær.
– Nei, það forsprakk bara smá-
vegis. Ekkert alvarlegt.
Kiddi klóraði sér í höfðinu.
– Hmm, það hefur farið bensín
inn á pústið hjá mér. Triumph ´55
módelið. James Dean keyrði um
á svona hjóli. Fallegt, finnst þér
ekki? sagði hann stoltur og strauk
blíðlega yfir hjólið.
– Er þetta ekki biluð drusla?
sagði Lára með bros á vör.
– Drusla? Þetta er eina ástin í
lífi mínu, sagði hann hlæjandi. Ef
þú hjálpar mér aðeins skal ég leyfa
þér að prófa það á eftir.
– Ég er bara þrettán, sko.
– Já, já. Ég fór fyrst á mótor-
hjól tíu ára. Reyndar varð allt vit-
laust þegar ég tók það. Þetta hefði
náttúrlega ekki verið svona mikið
vesen ef einhver hefði sagt mér
hvar bremsurnar voru.
Maður endaði náttúrlega úti í
sjó og ekki í fyrsta skipti. Krakk ar
mega aldrei neitt fyrir þess-
um moðhausum. Sjáðu pensilinn
þarna?
– Pensilinn?
– Já, berðu þetta á legusæt-
in fyrir mig, sagði Kiddi og rétti
henni dós með einhverju sem
hún vissi ekki hvað var. Hún las
á lokið.
– Koppafeiti?
Hálfri dollu af koppafeiti og
ófáum skrúfum seinna var Lára
öll orðin útötuð. Kiddi leiddi hjólið
að dyrunum, kveikti á sviss inum
og sparkaði því í gang.
Lára tók fyrir eyrun og hélt sig
til baka í þetta skiptið. Hjólið hökti
en fór þó í gang.
– Þarna kom það. Sagði ég ekki,
sagði Kiddi og brosti út að
eyrum. Eigum við að taka einn
hring? Lára hikaði.
– Er það ekki hættulegt?
– Við setjum náttúrlega upp
hjálma.
Kiddi rétti henni fornfálegan
hjálm sem hefði sómt sér vel á
sjöunda áratugnum. Því næst
settist Lára upp á hjólið fyrir
aftan Kidda og hann keyrði
af stað yfir járnruslið og út á
veg inn. Hann keyrði í rólegheit-
unum en Lára fann að hún var
samt hrædd. Hún lokaði augunum
og hélt dauðahaldi í leðurjakkann
hans Kidda. Þegar þau komu út á
veginn hökti hjólið og stöðv aðist
svo að Kiddi þurfti að sparka því
aftur í gang.
– Smá byrjunarörðugleikar,
sagði Kiddi brosandi og keyrði
svo aftur af stað.
Lára opnaði augun varlega.
Hún hló. Svo sleppti hún tak inu
á jakkanum hans Kidda og rétti
út hendurnar, en einungis örlitla
stund. Síðan greip hún aftur í
svarta leðurjakkann og hélt sér
dauðahaldi, stolt af sjálfri sér
fyrir hugrekkið.
Hún virti fyrir sér hafið, máv-
ana sem svifu fyrir ofan þau,
bátana í höfninni, lögreglubílinn
sem keyrði fram hjá, heiðskír an
himininn …
Hún hrökk við. Fyrir aftan
þau sáust blá, blikkandi ljós.
Lög reglubíllinn hafði snúið við
og nálgaðist þau óðfluga.
– Haltu þér fast, kallaði Kiddi
glaðhlakkalega til hennar.
Hann beygði samstundis út á
göngustíginn og gaf allt í botn.
Lára öskraði upp yfir sig. Hjól-
ið æddi áfram, fram hjá húsinu
í átt að fiskhjallinum en þar stóð
konan sem Lára hafði séð fyrr
um morguninn og horfði undr-
andi á þau. Kiddi stöðvaði hjólið
og Lára stökk af baki.
– Fljót.
Kiddi tók hjálminn af Láru og
henti honum til konunnar.
Með lögregluna
á hælunum
Í bókinni L7 Hrafnar, sóleyjar og myrra segir frá Láru Sjöfn, þrettán ára
unglingsstelpu. Hún flækist inn í dularfulla atburðarás þar sem hún þarf að
yfirstíga margvíslega erfiðleika, bregða sér í hlutverk leikara, spæjara og bar-
dagahetju til þess að bjarga fjölskyldu sinni og vinum frá illum öflum. Bókin
er fyrsta bók höfundanna Eyrúnar Óskar Jónsdóttur og Helga Sverrissonar.
Auk bókarinnar um Láru er væntanleg samnefnd kvikmynd sem sýnd verður í Sambíóunum í febrúar. Tökur á henni fóru
fram síðasta sumar að mestu leyti. Myndin er byggð á bókinni
sem er fyrsta skáldsaga höfundanna
Eyrúnar Óskar Jónsdóttur og Helga
Sverrissonar.
Eyrún Ósk Jónsdóttir er fædd 21.
september 1981. Hún lauk meistara-
gráðu í leiklist og fjölmiðlun frá
Winchester University á Englandi árið
2007. Hún útskrifaðist með BA-gráðu í
leiklist, leikstjórn og handritagerð frá
Rose Bruford College á Englandi árið
2005. Eyrún á baki feril sem rithöf-
undur, leikari, leikstjóri og leiklistar-
kennari. Eyrún hefur skrifað fjölda
leikrita sem hafa verið sett upp í leik-
húsum hérlendis og erlendis. Hún
hefur sent frá sér tvær ljóðabækur.
Helgi Sverrisson er fæddur 20. maí
1961. Hann lauk BA-gráðu í kvik-
myndaleikstjórn frá San Fransisco
Art Institute í Bandaríkjunum árið
1988. Áður hafði Helgi lokið stýrimannsprófi frá Stýri-
mannaskóla Íslands.
Helgi hefur í rúma tvo áratugi unnið að kvikmyndagerð. Hann
hefur skrifað fjölda handrita, leikstýrt leiknum myndum, fram-
leitt jafnt kvikmyndir sem heimildarmyndir. Fjöldi leikinna
mynda, heimildaþátta og stuttmynda eftir Helga hefur verið sýnd-
ur í kvikmyndahúsum og sjónvarpi, hérlendis sem víða erlendis.
BÆÐI BÓK OG KVIKMYND
LÁRA OG KIDDI Þau Victoria Björk Ferrel og Þórhallur Sigurðsson, Laddi, fara með hlutverk þeirra í kvikmyndinni sem byggir á
bókinni L7 Hrafnar, sóleyjar og myrra. Myndin verður frumsýnd í febrúar.
Suðurlandsbraut 20, Reykjavík | Sími 588 0200 | www.eirvik.is
KAFFIVÉLAKYNNING
Komdu í kaffi
Jura kaffivélar fyrir alla sem elska kaffi