Fréttablaðið - 04.12.2010, Síða 106

4. desember 2010 LAUGARDAGUR78
timamot@frettabladid.is
Ingibjörg Reynisdóttir, leikkona og rit-
höfundur, er fertug í dag og finnst hún
vera á góðum stað í lífinu að eigin sögn.
„Mér líður alltaf eins tuttugu og fjög-
urra ára,“ segir hún glaðlega. „Reynd-
ar held ég að ég sé í enn betra formi
bæði andlega og líkamlega núna en ég
var milli tvítugs og þrítugs.“
Afmælisárið hefur verið Ingibjörgu
bæði viðburðaríkt og skemmtilegt.
„Toppurinn á tilverunni var að frum-
sýna bíómyndina Óróa sem byggist á
tveimur skáldsögum eftir mig. Órói
er í raun afkvæmi mitt og hugarfóst-
ur sem byrjaði bara í gríni. En boltinn
fór að rúlla og úr varð tvær bækur og
bíómynd sem ég lék karakter í,“ segir
hún og lýsir ferlinu aðeins. „Fyrri
bókin kom út 2007 og sú seinni 2008,
árið 2009 byrjaði ég að skrifa kvik-
myndahandritið ásamt leikstjóranum
og 2010 var myndin svo frumsýnd. Ég
átti ekki von á því að hrista eitt stykki
kvikmynd fram úr erminni en svona
getur lífið komið manni skemmtilega
á óvart.“
Ferðalög eru eitt af því sem hefur
lífgað upp á árið hjá Ingibjörgu. „Ég
fór tvisvar til Los Angeles. Fyrst kíkti
ég þangað í ævintýraferð með vinkonu
minni í maí. Það var tilviljun að Gest-
ur Valur Svansson, þáttastjórnandi
hjá RÚV, var að fara út á sama tíma.
Það var í fylgd hans sem við enduð-
um í svaka flottu partíi í Hollywood
Hills hjá Casper Christensen og konu
hans, Iben Hjelje, sem var gaman að
kynnast. Ég lærði leiklist í Danmörku
og þarna var fullt af skemmtilegum
Dönum. Sá frægi leikari Joaquin Pho-
enix, sem leikur meðal annars Johnny
Cash, var staddur þarna og allt í einu
stóð maður í stjörnufansi.“ Í seinni ferð
Ingibjargar til LA kveðst hún einnig
hafa hitt áhugavert fólk og segir aldrei
að vita nema sú ferð opni henni dyr í
framtíðinni.
Ingibjörg er uppalin við Rauða-
lækinn í Reykjavík en ættuð úr sveit
í báða leggi. „Móðurforeldrar mínir
voru bændur að Möðruvöllum í Kjós.
Húsið þeirra er orðið nokkurs konar
fjölskylduhús og þar er allt uppruna-
legt og notalegt. Á Möðruvöllum var ég
í heyskap, sótti kýr, mjólkaði og mok-
aði flórinn, fór í útreiðartúra og allt
þetta. Pabbi er svo frá Hjálmsstöðum,
rétt við Laugarvatn og þar var líka
sveitalíf. Það eru mikil forréttindi að
hafa kynnst því og komist í návígi við
dýrin og náttúruna. Ég meira að segja
hleraði í sveitasímann í gamla daga og
samt finnst mér ég svo ung. Hringing-
in var löng, stutt, stutt löng á mínum
bæ!“
Fyrir utan leiklist og ritstörf starfar
Ingibjörg á fótaaðgerða- og snyrtistofu
á Langholtsveginum þegar tími gefst
til því hún lærði fótaaðgerðir og nudd
áður en hún hélt til Kaupmannahafnar
í leiklistarnám.
Lokaspurning: Verður afmælis-
veisla? „Ég ætlaði varla að nenna að
halda upp á daginn. Ákvað svo að hafa
einfalt boð fyrir fjölskylduna að deg-
inum en bjóða nokkrum skemmtileg-
um konum heim í kvöld og einskorða
töluna við 40. En ég tók að mér að vera
með hugvekju í aðventustund klukk-
an fjögur á morgun svo ég má ekki
sleppa fram af mér beislinu í kvöld.
Það eru líka svo mörg fertugsafmæli
fram undan að mér finnst í góðu lagi
að vera róleg í mínu.“ gun@frettabladid.is
INGIBJÖRG REYNISDÓTTIR LEIKKONA: HEFUR ÁTT GOTT FERTUGSAFMÆLISÁR
Stóð allt í einu í stjörnufansi
AFMÆLISBARN DAGSINS Ég tók að mér að vera með hugvekju í aðventustund klukkan fjögur
á morgun svo ég má ekki sleppa fram af mér beislinu í kvöld.“ segir Ingibjörg. FRÉTTABLAÐIÐ/GVA
Úrvalslið Reykjavíkur í handbolta lék
gegn Baník Karviná frá Tékkóslóvakíu
þennan mánaðardag árið 1965 og hafði
betur. Það var fyrsti íþróttaleikurinn sem
fór fram í Íþróttahöllinni í Laugardal í
Reykjavík. Nær 2.000 áhorfendur fylgdust
með honum.
Áður en leikurinn hófst opnaði Geir
Hallgrímsson borgarstjóri Höllina en hún
var svo vígð formlega tveimur dögum
síðar, 6. desember 1965. Bygging hennar
markaði þáttaskil fyrir innanhússíþróttir
hér á landi og einnig fyrir hvers kyns
sýningar- og tónleikahald.
Höllin er um 6.500 m² að stærð. Hún
var teiknuð af Gísla Halldórssyni arkitekt
árið 1959 og reist af Reykjavíkurborg
og Íþróttabandalagi Reykjavíkur. Meðal
stórra viðburða í Höllinni má nefna tón-
leika Led Zeppelin árið 1970, skákeinvígi
Fischers og Spasskíjs 1972 og heims-
meistaramótið í handbolta 1995.
ÞETTA GERÐIST: 4. DESEMBER 1965
Fyrsti leikurinn í Höllinni
HANNES HAFSTEIN fyrsti ráðherra Íslands (1861-1922) fæddist
þennan dag.
„Strikum yfir stóru orðin, standa við þau minni reynum.“
Ástkær eiginkona mín, móðir okkar,
tengdamóðir, amma og langamma
Frú Ásta Bjarnason
lést sunnudaginn 28. nóvember á Dvalar- og hjúkrunar-
heimilinu Grund. Útför hennar verður þriðjudaginn
7. desember í Fossvogskapellu kl. 13.00.
Baldur Bjarnason
Bjarni Einar Baldursson
Karl Jóhann Baldursson María Guðmundsdóttir
Ásta Brynja Baldursdóttir Rúnar Karlsson
ömmubörn og langömmubörn.
Með þökk fyrir samfylgdina.
Elskuleg móðir okkar og tengdamóðir
Guðríður Aradóttir
frá Ólafsvík, áður til heimilis
Eskihlíð 13,
sem lést á hjúkrunarheimilinu Sunnuhlíð
24. nóvember sl., verður jarðsungin frá Hallgrímskirkju
þriðjudaginn 7. desember kl. 15.00. Þeim sem vildu
minnast hennar er bent á Sunnuhlíð í Kópavogi.
Fyrir hönd ömmubarna og langömmubarna,
Steinunn Kolbrún Egilsdóttir
Haukur Hergeirsson
Hrafnhildur B. Egilsdóttir Briem
Garðar Briem.
Útfararþjónusta
Davíðs Ósvaldssonar ehf.
Davíð Ósvaldsson
Útfararstjóri
S. 896 6988 / 553 6699
Óli Pétur Friðþjófsson
Útfararstjóri
S. 892 8947 / 565 6511
Elskulegur faðir okkar, tengdafaðir,
afi og langafi
Eymar Ísfeld Karlsson
lést laugardaginn 27. nóvember á Landakotsspítala.
Verður jarðsunginn frá Grafarvogskirkju mánudaginn
6. desember klukkan 11.00.
Gunnhildur Eymarsdóttir Steinar Einarsson
Gunnar Eymarsson Salome Birgisdóttir
Berglind Eymarsdóttir Birgir Bjarnfinnsson
afabörn, langafabarn og aðrir aðstandendur.
Ástkær faðir minn, tengdafaðir,
afi og bróðir,
Haukur Karlsson
brúarsmiður, áður til heimilis á
Marbakkabraut 9, Kópavogi,
lést á hjúkrunarheimilinu Mörk, Suðurlandsbraut,
fimmtudaginn 2. desember.
Fyrir hönd aðstandenda,
Hafdís Hauksdóttir Kjærgaard
og fjölskylda hins látna.
Sendum innilegar þakkir til þeirra
sem sýndu okkur samúð og hlýhug við
andlát og útför ástkærrar móður okkar,
tengdamóður, ömmu, langömmu
og systur,
Ingibjargar Kristjönu
Guðmundsdóttur
frá Naustvík, Árneshreppi,
Álftamýri 2, Reykjavík.
Soffía Guðrún Ágústsdóttir Einar Jónsson
Ósk Sigurrós Ágústsdóttir Þorsteinn Tryggvason.
Erlendur Steinar Friðriksson Inga Margrét Birgisdóttir
Ingibjörg Sunna Friðriksdóttir
Einar Smári Einarsson
Ágúst Reynir Þorsteinsson Kittý Johansen
Fanney Rós Þorsteinsdóttir Árni Hrafn Gunnarsson.
Langömmubörn og systkini.
Ástkær faðir okkar, tengdafaðir, afi og
langafi,
Ólafur Hafþór
Guðjónsson
bifreiðarstjóri, Brúnavegi 5,
verður jarðsunginn frá Kirkju Óháða safnaðarins í
Reykjavík mánudaginn 6. desember kl. 15.00.
Björg Ólafsdóttir Magnús Magnússon
Daníel Ólafsson
Guðjón Hafþór Ólafsson Þuríður Edda Skúladóttir
barnabörn og barnabarnabörn.