Fréttablaðið - 04.12.2010, Qupperneq 126

LAUGARDAGUR 4. desember 2010 98
Hreimur og félagar í Landi
og sonum eru að vakna af
værum blundi. Sveitin spil-
ar á Spot í kvöld og ný lög
eru væntanleg.
„Við ætlum bara að henda okkur
í slaginn,“ segir Hreimur Örn
Heimisson, söngvari Lands og
sona, en hljómsveitin er að fara á
fullt á nýjan leik. „Við hættum eig-
inlega aldrei en okkur fannst vera
of margir lausir endar og skelltum
okkur því í létta sumarbústaðaferð
um daginn og tókum upp eitt lag,“
segir Hreimur, en lagið kemur út
eftir áramót.
Land og synir var lengi ein vin-
sælasta hljómsveit landsins og
hafði drauma um að „slá í gegn”
úti í hinum stóra heimi. „Við lögð-
um mikla vinnu í útlandaplön sem
gengu síðan ekki upp. Við vorum
eiginlega bara mjög óheppnir,“
segir Hreimur. „Ég var á leið til
Bandaríkjanna og þar átti ég að
fá ferðaplan fyrir hljómsveitina.
Þetta var hinn fræga dag 11. sept-
ember 2001 þegar árásirnar voru
gerðar á tvíburaturnana í New
York. Það endaði með því að ekkert
varð af ferðinni,“ segir Hreimur.
Hann segir mikinn tíma hafa
farið í að skipuleggja tónleika
erlendis og hljómsveitin hafi því
ekki sinnt Íslandi nógu vel. Hún
sé hins vegar vel samstillt í dag
og með nýjan bassaleikara innan-
borðs. „Okkur fannst tilvalið að ná
í nýjan Jón, fyrst Jón Guðfinnsson
þurfti að skilja við okkur. Við köll-
um hann New John,“ segir Hreim-
ur, en Jón Örvar Bjarnason mund-
ar nú bassann í bandinu.
„Við erum mjög hungraðir og
okkur langar mikið að spila. Við
gerum okkur samt grein fyrir því
að það er ekkert hægt að hoppa
upp í rútu og bóka og bóka eins
og gert var í gamla daga,“ segir
Hreimur. Hann vill ekki fullyrða
að ný plata sé í smíðum en kannski
komi 2-3 ný lög á næsta ári. Sveitin
er hins vegar þessa dagana í hljóð-
veri að taka upp lagið Jólanótt sem
kemur út eftir helgi. Hún heldur
tónleika á skemmtistaðnum Spot í
kvöld, en miðar eru seldir við inn-
gang og kostar 1.500 kr. inn.
kristjana@frettabladid.is
Land og synir snúa aftur
Raunveruleikastjarnan Kim Kar-
dashian hefur verið að slá sér upp
með fyrrverandi sambýlismanni
Halle Berry, fyrirsætunni Gabri-
el Aubry. Að sögn vina er stúlk-
an afskaplega hrifin af Aubry og
telur jafnvel að nú hafi hún fund-
ið framtíðar eiginmanninn.
„Kim er að leita sér að kær-
asta sem yrði góður faðir. Gabri-
el er myndarlegur, vinnusamur
og síðast en ekki síst þá er hann
nú þegar góður og kærleiksríkur
faðir. Kim finnst það mjög heill-
andi enda er hún tilbúin til að
stofna eigin fjölskyldu. Hún veit
að Gabriel yrði góður faðir, það
hefur hann þegar sýnt,“ var haft
eftir vini Kardashian.
Aubry hefur þegar kynnt dótt-
ur sína og Halle Berry fyrir Kar-
dashian og fór vel á með þeim.
„Kim varð mjög hrifin af Nöhlu
og fannst hún bæði falleg og vel
upp alin. Ég held að Kim mundi
ekki fúlsa við því að vera orðin
gift kona og móðir í lok næsta
árs,“ sagði vinurinn.
Kim langar í
barn sem fyrst
BRÚÐKAUP Í VÆNDUM? Kim Kardashian
er afskaplega hrifin af nýja kærastanum,
Gabriel Aubry. NORDICPHOTOS/GETTY
HLAKKA TIL AÐ SPILA Á NÝ Gunnar Þór Eggersson gítarleikari og Hreimur Örn söngvari eru spenntir fyrir kvöldinu en Land og
synir eru með tónleika á Spot í kvöld. FRÉTTABLAÐIÐ/GVA
Yfirburðir
Fréttablaðsins
staðfestir!
Skörun blaðalesturs að meðaltali á dag, mán.-lau., höfuðborgarsvæðið 18-49 ára.
Heimild: Blaðakannanir Capacent ágúst – október 2010.
Lesa bæði
Fréttablaðið og
Morgunblaðið
Lesa bara
Morgunblaðið
Lesa bara
Fréttablaðið
67,9% 5,5%
26,6%
Fréttablaðið er sem fyrr mest lesna dagblað landsins
með glæsilegt forskot á samkeppnisaðila sinn eins
og síðasta könnun Capacent Gallup sýnir ótvírætt.
Allt sem þú þarft...
Auglýsing í
Fréttablaðinu
nær til yfir
94%
lesenda
blaðanna