Fréttablaðið - 16.12.2010, Side 95

FIMMTUDAGUR 16. desember 2010 79
Söngkonan Hera Björk er tilnefnd
til tveggja verðlauna á tónlistar-
blogginu Scandipop, sem veitir nú
verðlaun þriðja árið í röð.
Hera er tilnefnd fyrir plötu
ársins í flokki kvenna fyrir plöt-
una Je Ne Sais Quoi, sem kom út
í kjölfarið á þátttöku Heru í Euro-
vision. Þá er Eurovision-lagið Je
Ne Sais Quoi tilnefnt sem lag árs-
ins í kvennaflokki.
Scandipop fjallar, eins og nafn-
ið gefur til kynna, um skandinav-
íska popptónlist. Á meðal þeirra
sem eru einnig tilnefndir eru
sænska poppprinsessan Robyn og
Ace of Base. - afb
Hera tilnefnd
af Scandipop
Gylfi Ægisson verður með tón-
leika á Faktorý í kvöld. Þar ætlar
hann að spila mörg af sínum vin-
sælustu lögum, þar á meðal Stolt
siglir fleyið mitt, Minningu um
mann og Í sól og sumaryl. Gylfi
fæddist og ólst upp á Siglufirði í
umróti síldaráranna. Hann hafði
þegar samið mörg lög þegar
Hljómsveit Ingimars Eydal tók
lag hans Í sól og sumaryl til
flutnings árið 1972. Það lag varð
sumarsmellurinn það árið og í
kjölfarið kom Minning um mann,
flutt af Logum frá Vestmanna-
eyjum. Tónleikarnir í kvöld hefj-
ast kl. 22. Aðgangseyrir er 1.000
kr. og verða plötur Gylfa til sölu
á staðnum. - fb
Gylfi Ægis
stígur á svið
GYLFI ÆGISSON Gylfi stígur á svið á Fakt-
orý í kvöld og spilar sín vinsælustu lög.
TILNEFND Poppbloggið Scandipop kann
að meta framlag Heru í Eurovision.
Leikkonan Jennifer Connelly og
eiginmaður hennar, Paul Bettany,
eiga von á sínu öðru barni. Leik-
konan fertuga á nú þegar einn son
með eiginmanni sínum, hinn sjö
ára Stellan, en hún eignaðist líka
soninn Kai fyrir þrettán árum,
með fyrrverandi kærasta, David
Dugan.
Jennifer og Paul kynntust við
tökur á kvikmyndinni „A Beauti-
ful Mind“ árið 2001 og giftu sig á
nýársdag 2003. Jennifer segir að
móðurhlutverkið hafi breytt lífi
sínu. „Ég hef lært að taka ábyrgð
á sjálfri mér og á mínu lífi eftir að
ég varð móðir.“
Jennifer ólétt á ný
Natalie Portman viðurkennir að hún hafi átt í per-
sónulegum erfiðleikum á meðan á háskólanámi henn-
ar stóð.
Leikkonan, sem útskrifaðist með gráðu í sálfræði
frá Harvard-háskóla árið 2003, viðurkennir að hún
hafi átt erfitt og að námið hafi tekið mikið á hana.
Í viðtali við tímaritið Vogue sagði leikkonan: „Ég
þyngdist um 6-9 kíló og var þunglynd um tíma.“
Portman fer með hlutverk ballettdansarans Ninu
Sayers í kvikmyndinni „Black Swan“, en dansarinn
þjáist af átröskun og þurfti leikkonan að létta sig tölu-
vert fyrir hlutverkið. „Ég elska ánægju og hamingju.
Ég myndi aldrei ganga svo langt að svelta mig eða
slasa mig viljandi, eins og Nina gerir.“
Portman átti erfitt í Harvard
HAMINGJUSÖM Jennifer Connolly og
Paul Bettany eiga von á barni.
NORDICPHOTOS/GETTY
VAR ÞUNGLYND Natalie Portman þyngdist um nokkur
kíló þegar hún var við háskólanám í Harvard.
NORDICPHOTOS/AFP
Jólalest Coca-Cola fer sína árlegu ferð laugardaginn 18. desember. Verður þetta í fimmtánda skiptið
sem jólalestin ekur um götur borgarinnar með tilheyrandi ljósadýrð og jólatónum. Jólalestin er
óvenju glæsileg í ár enda er búið að bæta við hana tveimur stórglæsilegum trukkum sem sérinnfluttir
voru frá Bandaríkjunum.
Jólalestin hefur för sína kl. 16:00 og verða öll helstu hverfi höfuðborgarsvæðisins þrædd eins og vani er.
Fylgst verður náið með ferð Jólalestarinnar á Jólastöðinni Létt 96,7 og einnig er hægt að skoða
nákvæma leiðarlýsingu hennar á coke.is.
JÓLALEST COCA-COLA®
KEMUR EFTIR
2 DAGA