Fréttablaðið - 16.12.2010, Blaðsíða 98

Fréttablaðið - 16.12.2010, Blaðsíða 98
82 16. desember 2010 FIMMTUDAGUR Ég er ekki til í að láta neitt of mikið að stjórn. ÓLÖF ARNALDS SÖNGKONA Ólöf Arnalds er nýkomin til landsins eftir langa og stranga tónleikaferð um Evrópu og Bandaríkin. Hvíldin verður stutt því í janúar fer hún til Ástralíu þar sem hún hitar upp fyrir hljómsveitina Grinderman. Tónlistarkonan Ólöf Arnalds er stödd hér á landi í jólafríi eftir langa og stranga tónleikaferð. Hún spilaði á 32 tónleikum í Evr- ópu og Bandaríkjunum frá sept- ember fram í desember bæði sem aðalnúmerið og sem upphitunar- atriði fyrir hljómsveitirnar Air og Blonde Redhead. „Þetta var mikil áskorun vegna þess að fólk var komið til að heyra eitthvað sem er mjög ólíkt því sem ég er að gera,“ segir Ólöf um upphitun- aratriði sitt sem fékk fín viðbrögð áheyrenda. Ólöf er að fylgja eftir sinni ann- arri sólóplötu, Innundir skinni, sem hefur fengið frábæra dóma, bæði hér heima og erlendis. Breska tímaritið Uncut valdi hana eina af fimmtíu bestu plötum árs- ins, Mojo gaf henni fjórar stjörn- ur af fimm mögulegum og blöðin The Guardian og The Wall Street Journal skrifuðu heilsíðu grein- ar um Ólöfu. Einnig spilaði hún í útvarpi bæði hjá BBC og á tveimur stærstu almenningsútvarpsstöðv- um Bandaríkjanna. Að auki var lag hennar Madrid valið lag árs- ins í flokki söngvaskálda á iTunes. „Það er frábært að fá viðurkenn- ingu fyrir það sem maður er að gera og það er mjög hvetjandi. Ég reyni samt að halda mig á jörðinni í sambandi við þessa dóma en vona að þeir hjálpi til við að gera mér kleift að halda áfram að gera það sem ég er að gera,“ segir hún. Eftir að hafa stundað nám í Listaháskóla Íslands og unnið með múm, Skúla Sverrissyni og fleiri tónlistarmönnum gaf Ólöf út sína fyrstu sólóplötu, Við og við, árið 2007. Þjóðlaga- skotin tónlistin þar sem kassagítarinn og óhefð- bundinn söngur Ólafar var í aðalhlutverki féll í góðan jarðveg og plat- an hlaut Íslensku tónlist- arverðlaunin. Sjálf lítur Ólöf ekki á sig sem þjóð- lagaflytjanda. „Það að ég skuli spila á órafmögnuð hljóðfæri veldur því að ég fell í þennan flokk. Það verður alltaf að setja allt í bása en ég væri mjög til í að sprengja það upp,“ segir hún ákveðin og hefur lítinn áhuga á að festa sig við eina tónlistarstefnu. Innundir skinni er nokkuð frá- brugðin Við og við. Hljómurinn er stærri, enda hljóðfærin og sam- starfsmennirnir fleiri en áður. Lögin eru bæði á íslensku og ensku. „Ég var að prófa svolítið að víkka allt út. Ég myndi segja að lögin væru fjölbreyttari og ólíkari hvert öðru heldur en á Við og við, sem var meira eitt þema,“ útskýr- ir Ólöf. „Ég lagði upp í vinnuferli að Innundir skinni með átján lög, tók upp tólf lög og svo fóru bara níu á plötuna. Hún varð kannski heilsteyptari en ég bjóst við miðað við hvað ég var úti um allt með hugmyndir og hvað það var mikill til- raunahugur í mér.“ Björk syngur í lag- inu Surrender. Spurð út í samstarf þeirra segir Ólöf: „Ég var að spila fyrir hana plötuna þegar ég var að „mixa“ hana og langaði að fá viðbrögð. Þá fékk hún hugmynd að stefi og sagði mér að hún gæti tekið þetta upp og látið mig hafa. Ég gæti notað þetta hvernig sem ég vildi. Ég tók ákvörðun um að hafa þetta óbreytt sem hún sendi mér.“ Björk var þá stödd í Púertó Ríkó á meðan Ólöf var í Reykja- vík. „Ég var búin að taka upp lagið í heild sinni áður en röddin henn- ar bættist við. Svo kom þetta góða boð og þetta fallega innlegg frá henni og ég var mjög ánægð með það.“ Myndband við lagið má sjá á heimasíðu Ólafar og er það djarf- ara en fólk á að venjast frá tón- listarkonunni. Leikstjórar voru þeir Árni og Kinski sem hafa áður unnið fyrir Jónsa, Sigur Rós, Snow Patrol og Placebo. Mynd- bandið var tekið á Þingvöllum þar sem Ólöf dansar við hinn fransk- belgíska Damien Jalet, sem hefur unnið með Íslenska dansflokknum og Ernu Ómardóttur. Hugmyndin sem lögð var upp með var líkam- leg togstreita milli karls og konu. „Við unnum þessar hreyfingar og það var ótrúlega gaman fyrir mig því ég hafði aldrei dansað neitt áður. Við höfðum bara einn dag í tökur og það var hellirigning, alveg ískalt. Þetta var alveg svaka- legt og við vorum ansi hrakin eftir þetta,“ segir hún og hafði gaman af erótískum dansinum. „Ég held að þetta snúist líka um að þegar það er búið að setja á mann ákveð- inn hatt kemur þessi tilhneiging að sprengja sig út úr því. Eins og þegar ég var búin að gera heila plötu á íslensku [Við og við] og það var búið að setja á mig íslenskr- ar-tungu-geislabaug. Annar hver íslensku kennari í menntaskóla var að hringja og biðja mig um að syngja á degi íslenskrar tungu. Þá kom bara upp einhver mótþrói í mér. Þetta er kannski þetta ung- æðislega í manni. Ég er ekki til í að láta neitt of mikið að stjórn.“ Fram undan hjá Ólöfu er tón- leikaferð um Ástralíu um miðjan janúar þar sem hún spilar á tón- listarhátíð í Sydney. Síðan fer hún til Tasmaníu og hitar upp fyrir Grinderman á einum tónleikum. „Það er frábært að fá að spila á undan Nick Cave í hans heima- landi. Þetta er flottur listamaður og mikið skáld líka. Þetta verð- ur mjög spennandi,“ segir hún. „Út af því að það var ljóst að ég yrði í Ástralíu á þessum tíma var ég eitt af þeim atriðum sem komu til greina. Mér skilst að þeir hafi valið mig úr þeim hópi.“ Tónleikaferð um Evrópu er síðan fyrirhuguð í febrúar og í mars spilar Ólöf á tónlistarhátíðinni South By Southwest í Texas. Hún er einnig að vinna að sinni þriðju plötu sem hún vonast til að komi út fyrri hluta ársins 2012. Það er því nóg fram undan hjá Ólöfu á nýju ári. „Þetta lítur mjög spennandi út. Ég vona bara að ég uppskeri eins og ég er búin að sá.“ freyr@frettabladid.is Vill ekki vera sett undir einn hatt ÓLÖF ARNALDS Tónlistarkonan hefur haft í nógu að snúast undanfarna mánuði við að kynna plötu sína Innundir skinni. FRÉTTABLAÐIÐ/VILHELM PLÖTUR ÓLAFAR Við og við - 2007 ★★★★ „Gríðarlega vel heppnuð plata sem inniheldur undurfögur lög með ævintýralegum blæ.“ SHA Innundir skinni - 2010 ★★★★ „Ólöf Arnalds heldur áfram að full- komna stílinn sinn á fínni plötu.“ TJ
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93
Blaðsíða 94
Blaðsíða 95
Blaðsíða 96
Blaðsíða 97
Blaðsíða 98
Blaðsíða 99
Blaðsíða 100
Blaðsíða 101
Blaðsíða 102
Blaðsíða 103
Blaðsíða 104
Blaðsíða 105
Blaðsíða 106
Blaðsíða 107
Blaðsíða 108
Blaðsíða 109
Blaðsíða 110
Blaðsíða 111
Blaðsíða 112
Blaðsíða 113
Blaðsíða 114
Blaðsíða 115
Blaðsíða 116
Blaðsíða 117
Blaðsíða 118
Blaðsíða 119
Blaðsíða 120

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.