Fréttablaðið - 16.12.2010, Side 100

84 16. desember 2010 FIMMTUDAGUR
Kærleikskúla Styrktar-
félags lamaðra og fatlaðra
hefur verið árviss jóla-
boði síðan 2003. Þá fékk
Eva Þengilsdóttir þá hug-
mynd að fá listamann til að
gera jólakúlu og reið Erró
á vaðið. Í ár hannar Katrín
Sigurðardóttir kúluna.
„Kærleikskúlan er kærleiksríkt
verkefni,“ segir Berglind Sigur-
geirsdóttir hjá Styrktarfélagi
lamaðra og fatlaðra. „Kúlan hefur
verið fjáröflunarleið fyrir okkur
en allur ágóði sölunnar rennur til
Reykjadals þar sem Styrktarfélag
lamaðra og fatlaðra rekur sumar-
búðir og helgardvöl yfir vetrar-
tímann. Starfsemin í Reykjadal
hlaut hvatningarverðlaun Öryrkja-
sambands Íslands nú 4. desember
á alþjóðadegi fatlaðra fyrir ötult
starf í þágu fatlaðra barna og
ungmenna.“
Berglind segir hugmyndina að
kærleikskúlunni hafa kviknað
árið 2003 hjá Evu Þengilsdóttur
þáverandi starfsmanni félagsins.
„Fyrsta kærleikskúlan kom svo út
fyrir jólin 2003 og hún var verk
Errós. Síðan má segja að landslið
íslenskra listamanna hafi komið
að gerð kærleikskúlnanna.“
Það eru orð að sönnu hjá Berg-
lind en listamennirnir sem hafa
gert kúlurnar síðan 2003 eru
Ólafur Elíasson, Rúrí, Gabríela
Friðriksdóttir, Eggert Pétursson,
Gjörningaklúbburinn, Hreinn Frið-
finnsson og í ár er kúlan verk Katr-
ínar Sigurðardóttur. „Þess má geta
að við höfum fengið ráðgjöf hjá
Listasafni Reykjavíkur og Kynn-
ingarmiðstöð íslenskrar myndlist-
ar um val á listamönnum,“ segir
Berglind og bætir við að allir gefi
vinnu sína í tengslum við kúluna,
listamenn, verslanir og þeir sem
hafa aðstoðað við verkið á einn eða
annan hátt.
Kúlurnar eru seldar í takmark-
aðan tíma ár hvert og lýkur sölu-
tímabili á kúlu ársins á laugardag.
Upplýsingar um sölustaði er að
finna á heimasíðu Styrktarfélags
lamaðra og fatlaðra, slf.is.
sigridur@frettablaðið.is.
Landslið listamanna gerir kærleikskúlur
ALHEIMUR Í SJÁLFU SÉR
„Þegar ég horfði inn í kúluna í fyrstu, þá sá ég fyrir mér
þekkt minni; lítinn heim innan í kúlunni og endamörk hans,
glerið sjálft eins og sjóndeildarhring þess sem horfir innan
úr miðju hans. Kúlan er alheimur í sjálfum sér, en í hönd
manns er þessi litla veröld bara ögn í stærri alheimi – sem
kannski er líka ögn í enn stærri alheimi, lítill viðkvæmur hlut-
ur í hönd einhvers sem starir inn í hann. Fjöllin sem prentuð
eru á kúluna eru dregin upp af ljósmyndum sem ég tók eða
safnaði af íslenskum fjöllum á árinu 2010,“ segir listamaður
kærleikskúlunnar í ár, Katrín Sigurðardóttir.
Katrín er fædd í Reykjavík en býr og starfar í New York og Reykja-
vík. Hún stundaði nám við San Francisco Art Institute og Mason Gross
School of the Arts í Rutgers-háskóla. Katrín hefur vakið athygli fyrir skúlp-
túra sína og innsetningar. Hún sýnir um þessar mundir í Metropolitan-safninu
í New York.
2003 Erró:
2 málarar
2004 Ólafur
Elíasson:
Augað
2005 Rúrí:
Án upphafs
- án endis
2006 Gabríela
Friðriksdóttir:
Salt jarðar
2007 Eggert
Pétursson:
Hringur
2008 Gjörninga-
klúbburinn:
Allt sem andann
dregur
2009 Hreinn
Friðfinnsson:
Snerting
VILDARÁSKRIFT AÐ STÖÐ 2 SPORT 2 INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
Bjart er yfir boltanum og börnin fara að hlakka til. Bráðum kemur
blessaður leikurinn þegar toppliðið sækir meistarana heim og skal
viðureignin sýnd heims um ból í beinni útsendingu. Var því aftur
látið boð út ganga um að skrásetja skyldi íslensk heimili í áskrift að
Stöð 2 Sport 2 svo þau mættu verða vitni að helgileik þessum þar
sem stjörnurnar skína í von um hagstæð úrslit. Hver þau verða veit
nú enginn, vandi er um slíkt að spá!
F
í
t
o
n
/
S
Í
A
CHELSEA – MAN. UTD.
SUNNUDAG KL. 15:30
STJARNAN MÍN OG
STJARNAN ÞÍN!