Faxi - 01.12.1984, Blaðsíða 47

hátt. Kisa slapp og 1 kettlingur. —
Um þetta hefur ekkert verið rætt
í blöðum, en fyrir stuttu er sagt
frá því í blaði hér, að unglingar
búa sér til bensínsprengju og
kasta henni í barnahóp, með þeim
afleiðingum að eitt barnanna
skaðbrenndist. Það væri hægt að
segja frá fleiru slíku, en þetta
nægir. Verknaðurinn, að drepa
kettlingana og fótbrot kisu, þótti
mér bera vott um svo skuggalegan
lágkúruhátt, að ég gat varla trúað
því, að svona væri til í einni
bamssál. — Hitt, að búa til
bensínsprengjuna, sýndi að ungl-
ingurinn var að framkvæma það,
sem hann hafði séð og heyrt hjá
kvöld- eða næturvininum. Ef til
vill hafa þeir báðir haft upplýsing-
ar frá honum. Ungdómurinn sá,
sem nú er að alast upp, er framtíð
íslands. — Við sem eldri erum t.d.
eins og félagar í þessum klúbb,
emm ábyrgir fyrir því, að þeir
sem við taka, fái sæmilegt upp-
eldi og verði hæfir til þess að taka
við.
Hvernig nú er komið í þessum
málum, er ekki sök unglinganna,
eða æskunnar. Sökin er hjá okk-
ur, kynslóðinni sem er að skila af
sér sínu dagsverki, og það er okk-
ar að koma þessu í eðlilegt horf,
eða betra horf.
Til þess að lækna sjúkdóm þarf
að vita hver orsök hans er og þeg-
ar orsökin er fundin, hvaða meðöl
henta best. - Orsökin er marg-
þætt. Barnssálin er svipuð blómi.
Til þess að þroskast þarf blómið
hlýju og skjól.
Eins og komið er atvinnumálum
hjá okkur þurfa bæði hjónin oft og
einatt að vinna utan heimilisins.
— Við það hverfur mikið af því
skjóli og andlegu hlýju sem skap-
ast á góðu heimili.
í gamla daga vom oftast á heim-
ilunum afar og ömmur, sem gátu
sinnt þessari hlið uppeldisins að
miklu leyti, ef með þurfti. Ungl-
ingarnir núna eru því ver varðir
fyrir óhollum áhrifum en var.
Nú em menn þjálfaðir upp í því,
að úthugsa sem flestar og fjöl-
þættastar freistingar, fyrir unga
og gamla. - Ótrúlega margir,
bæði ungir og eldri flækjast í þau
freistinganet.
Og svo er það heimilisvinurinn,
sjónvarpið og videóið, sem situr
um sál allra og þá frekast um sál
unglingsins, því hún er minnst
varin og gagnrýnir minnst, fyllir
opinn hug hans með ýmsu góðu,
en líka með alls konar sora, og
það er eins og hið illa sé áhrifa-
meira og verði minnisstæðara.
Fjöldi annarra þátta koma þarna
-t til jrreina, sem ég fer ekki út í nú.
Eg er ekki fróður í uppeldismál-
um, en uppeldismál ná langt út
fyrir æskuna og unglingana, hinir
eldri verða að vera fyrirmynd og
til eftirbreytni. Það þýðir ekkert
að vera að segja barninu, hvernig
það eigi að hugsa eða hegða sér,
en gera sjálfur allt annað. Við sjálf
verðum að haga okkur eins og við
viljum að barnið eða unglingurinn
hagi sér.
Við skulum byrja á því léttasta,
það gildir jafnt fyrir unga og
gamla, t.d. að bera virðingu fyrir
sjálfum sér og metnað í því að gera
eitthvað gott, eða láta gott af sér
leiða. Metnað fyrir því, að vera
foreldrum sínum og ætt til sóma
og metnað fyrir því, að vera föður-
landi sínu til virðingar, eða eins
og Stefán G. Stefánsson orðaði
það: ,,Að allt sem þú föðurland
fréttir um mig, sé frægð þinni að
veg“.
Ef áróður af þessu tagi eða öðr-
um í þessa átt, næði að breiðast
út, myndi margt betur fara, bæði
hjá ungum og eldri.
Ég tel, að fyrir Rotary væri það
verðugt verkefni að vinna að
svona málum.
Eins og ég sagði áðan eru innan
þeirra vébanda íjöldi ágætra
manna, sem eru til fýrirmyndar á
mörgum sviðum. — Samt finnst
mér, að til þess að allir þættir
mannlegs eðlis komi fram hjá
Rotary, vanti hinn kvenlega þátt.
Mér hefur lengi virst það gamal-
dags og ekki í anda nútímans, að
útioka konur, sem reka sjálfstæð-
an atvinnurekstur, eins og við
karlmennirnir, frá því að bjóða
þeim að vera félagar í Rotary, að-
eins vegna þess að aðilinn er
kona.
Ég vona að ekki iíði á löngu, að
Rotary fari að starfa á jafnréttis-
grundvelli í þessum málum. Þeg-
ar það er orðið, þá hefur Rotary
alla mannlega þætti innan sinna
vébanda.
KEFLAVÍK
Auglýsing um tímabundna
umferðartakmörkun í Keflavík
Frá föstudeginunn 7. desember Í984 til mánudagsins 3i. desember
j984, aö báöum dögum meötöldum, er vöruferming og afferming
bönnuö á Hafnargötu á almennum afgreiöslutíma verslana.
Á framangreindu tímabili veröa setfar hömlur á umferö um Hafnargötu
og nœrliggjandi götur ef þurfa þykir, svo sem tekinn upp einstefnuakstur
eöa umferö ökutœkja bönnuö meö öllu. Veröa þá settar upp merkingar
er gefa slíkt til kynna.
Keflavík, í desember 1984.
LÖGREGLUSTJÓRINN í KEFLAVÍK
FRÁ ALMANNATRYGGINGUM
í Keflavík, Njarðvík, Grindavík og
Gullbringusýslu
Vegna tölvuvinnslu skal bótaþegum bent á að
tilkynna umboðinu strax um breytingu á heimilis-
fangi. Til að komast hjá erfiðleikum í útsendingu
bótamiða.
Sími okkar er 3290.
Bæjarfógetinn í Keflavík, Njarðvík og Grindavík
Sýslumaðurinn í Gullbringusýslu
FAXI-303