Frjáls verslun - 01.05.2001, Blaðsíða 45

VINNUMARKAÐUR 3GEINKALÍF
/
Arndís Armann og Björn Gunnarsson
/
hjá Armann Reykjavík ehf:
Hefur þroskað
sambandið
Ármann Reykjavík selur fatnað afýmsu tagi ogþar
eru þau Björn Gunnarsson og Arndís Armann við
stjórnvölinn. Þau hafa unnið saman lengi, tæpa
jjóra áratugi ogsegja þau árgæfurík oggefandi.
að er út af fyrir sig afrek að búa saman og reka saman
fyrirtæki í tæp 40 ár en það hafa þau hjónin Arndís Ár-
mann og Björn Gunnarsson gert, en þau eiga Armann
Reykjavík ehf. „Eg hóf störf hjá Ágústi Ármann hf. árið 1961,
hjá foreldrum Arndísar," segir Björn. „Upp úr 1970 komu þau
Arndís og Ágúst, bróðir hennar, ásamt konu Agústs, Önnu
Maríu, til starfa hjá fyrirtækinu. Þannig rákum við fyrirtækið
saman þar til 1. júlí 2000. Þá ákváðum við að skipta því þar sem
þriðja kynslóðin var komin til starfa hjá okkur og við það varð
Ármann Reykjavík ehf. tíl, en það fyrirtæki rekur heildverslun
með fatnað og sex verslanir í Reykjavík. Það hefur verið
saman
ánægjulegt að börnin okkar og tengdabörn hafa öll gengið inn
í fyrirtækið - hvert á sínu sviði.“
Þau hjón eru sammála um að það hafi þroskað samband
þeirra og gert það betra að vinna svo mikið saman. „Fólk verð-
ur að vera ákveðið í því að vilja vinna saman og hafa svipuð
áhugamál til að það gangi upp,“ segir Björn, „en ég neita því
ekki að stundum hafa börnin okkar verið svolítið þreytt á því
hvað við ræddum mikið um fyrirtækið og það sem því fylgdi en
nú er enn meira rætt um það, auðvitað, og enginn leiður á því.“
„Það sem er jákvætt við að vinna saman og búa saman er að við
höfum getað spjallað um allt sem upp á hefur komið heima við
og stundum leyst málin þar,“ segir Arndís. Þau leggja áherslu á
að nauðsynlegt sé fyrir hjón að geta treyst hvort öðru fullkom-
lega og að vera samhent. Verkaskiptingu segja þau aldrei hafa
verið vandamál heldur hafi hún mótast smám saman. „Það er
nauðsynlegt að gæta þess að fyrirtækið vaxi ekki of hratt, held-
ur smám saman,“ segir Björn. „Þannig fær fólk tækifæri til að
vaxa með því.“ Annað, sem þau segja gott fyrir hjón sem stunda
saman viðskiptí eða vinna saman, er að eiga sér eigið áhugamál
utan vinnunnar, hvort sem það er íþrótt eða félagsskapur af ein-
hverju tagi. Það hafi í för með sér ákveðna tilbreytíngu sem sé
nauðsynleg þegar svo náið sé unnið og lifað saman. Q0
Guðjón Sigurbjartsson og
Guðrún Tryggvadóttir hjá Tanna:
Umburðarlyndi
er númer eitt
Tanni ehf. er heildsala og smásala með kynningar-
vörur og vinnufatnað sem staðsett er á Höjðabakka.
/
Þar ráða ríkjum þau Guðjón Olafur Sigurbjartsson
og eiginkona hans, Guðrún Barbara Tryggvadóttir.
au Guðjón og Guðrún hafa átt fyrirtækið Tanna frá árinu
1992 eða í bráðum níu ár. Uppistöðuna í rekstri þess
keyptu þau af Þórði Júlíussyni, sem raunar fylgdi með í
kaupunum. Þórður Júlíusson var verkfræðingur. Margir
kannast við hann sem Þórð í Fíat. Hann stofnaði síðar heild-
verslunina Tanna og keypti svo byggingavöruverslunina
Burstafell. Sá rekstur endaði í þrotí. Ástæðan var m.a. heilsu-
brestur Þórðar og versnandi samkeppnisstaða minni bygg-
ingarvöruverslana í samkeppni við Húsasmiðjuna og Byko.
Guðrún hafði séð um litla vinnufatnaðardeild í Burstafelli og
þau sáu að sá rekstur út af fyrir sig gat orðið grunnur að sjálf-
stæðum rekstri.
„Fyrst í stað var ég hér ásamt Þórði en Guðjón stundaði
aðra vinnu,“ segir Guðrún. „Síðar kom tengdafaðir minn, Sig-
urbjartur Guðjónsson, til liðs við okkur.“ Þórður lést fyrir
nokkrum árum, rúmlega sextugur að aldri. Hann hafði verið
öflugur liðsmaður fyrirtækisins og þar var skarð fyrir skildi.
„Við réðum ungan mann, Þ. Orra Baldursson, tíl að taka við
af honum. Þegar hann hætti fyrir um tveimur árum kom tíl
liðs við okkur Ragnar Örn Steinarsson rekstrartæknifræðing-
ur og er hann meðeigandi okkar.“
„Fyrirtækið þurfti að vaxa svo að hægt væri að taka Guð-
jón inn líka en okkur þótti ráðlegt að hafa hann sem bakjarl
þó svo að hann tæki áður þátt í starfmu með því að koma hér
af og til og ræða það við mig á kvöldin og um helgar heima
við. Stærsti munurinn við það að Guðjón kom hingað til starfa
að fullu er einmitt sá að nú skiljum við vinnuna eftir þegar við
Sex góð ráð
1. Ekki fara út í viðskipti saman nema samkomulagið
sé gott fyrir.
2. Gætið þess að eiga ykkur líf utan vinnu og heimilis.
3. Treystið makanum til að taka ákvarðanir.
4. Ekki taka vinnuna með heim.
5. Ekki takast á við meira en ráðið verður við - það
setur álag á hjónalífið.
6. Brosið og hlæið saman - ekkert er eins vel fallið til
að halda sambandinu góðu, bæði heima og í vinnu.
45