Frjáls verslun - 01.05.2001, Blaðsíða 53

Sigling með Lagarfljótsorminum er skemmtileg nýjung í ferðaþjónustunni.
5. Fljótcisigling í Vestciri Jökuisó í SkagoFirði Fljótasiglingar eru skemmtilegur ferðamáti og njóta vaxandi vinsælda. Hægt er
að mæla með siglingu niður Hvítá sem og Vestari og Austari Jökulsá í Skagafirði. Mörgum finnst siglingin niður Austari Jökulsá
helst koma adrenalíninu af stað. En við hugsum um fiölskylduna og börnin og mælum með siglingu niður þá vestan.
6. Bótsferð um BreiðaFjörð Það er einstök lifsreynsla að sigla með Sæferðum frá Stykkishólmi um eyjar Breiðafjarðar og klappa
nánast fuglum og björgum - og bragða á kræklingi og hvítvíni í leiðinni. Þá mælum við einnig með siglingu um BreiðaJjörðinn með
Baldri sem kemur við í Flatey á leið sinni til Brjánslækjar sem er við einn fallegasta Ijörð landsins, Vatnsflörð á Barðaströnd.
7. Ferð ó heyvagni út í Ingólfshöfóa Þetta er ein af þessum ferðum sem lætur lítið yfir sér en er frábær skemmtun fyrir íjöl-
skylduna. í Ingólfshöfða er sömuleiðis fáheyrð náttúrusýn, tignarlegur Öræfajökullinn blasir við með Hvannadalshnjúk í hásæti.
Ferðin út í Ingólfshöfða er óvenjuleg ferð, en hún er þess virði.
8. Göngu- eða hjólaferð um Reykjavík Gleymum ekki höfuðborginni, Reykjavík, sem býr yfir perlum eins og Viðey, Öskju-
hlíð, Elliðaárdal og Laugardal. Við mælum með því að flölskyldan gangi eða hjóli á göngustígnum sem liggur úr Skerjafirðinum, um
Ægissíðuna, meðfram sjónum, inn Fossvogsdalinn og upp í Elliðaárdal. Hægt að fara í Breiðholtshverfin líka. Upplagt er að staldra
við í Nauthólsvík eða Öskjuhlíð, fá sér t.d. kaffi í Nauthól eða í Perlunni, og njóta síðan Elliðaárdalsins með sinni einstöku laxveiðiá,
Elliðaánum. Hægt er að enda ferðina á því að skoða Árbæjarsafn eða fara í sund í Árbæjarlaug ef ekki er farið enn lengra.
9. Hvalaskoðunarferðir fró Dolvík eóa Húsavík Hægt er að fara í magnaðar hvalaskoðunarferðir frá t.d. Dalvík, Húsavík, Stykk-
ishólmi, Hafnarfirði og Reykjanesi. Þetta eru bæði skemmtilegar og fróðlegar ferðir. Við mælum þó helst með hvalaskoðunarferð-
um frá Dalvík og Húsavík vegna þess að þær eru mátulega stuttar.
10. Skoðunarferð ó Lótrobjorg Skoðunarferð á eitt hrikalegasta bjarg landsins, Látrabjarg, með viðkomu á safninu að Hnjóti
er kynngimögnuð lífsreynsla sem líður seint úr minni. í bakaleiðinni er gráupplagt að koma við á Rauðasandi en margir hafa á orði
að sandurinn sá sé eiginlega ekki íslenskur. Raunar eru Vestfirðir allir sagðir best geymda leyndarmálið í íslenskri ferðaþjónustu.
Gleymið ekki Látrabjarginu og Rauðasandi þegar þið sækið Vestfirði heim!
11. Sigling út í Popey fró Djúpavogi Austfirðirnir standa alltaf fyrir sínu. Á ferð um Austurland nefnum við siglingu út í Papey
frá Djúpavogi. Þetta er framúrskarandi ferð - og sögð engri annarri lík sé hún farin fyrri hluta sumars þegar fuglalífið er með mest-
um blóma í eyjunni. Staldrið við á Djúpavogi og gefið siglingu með Má Karlssyni út í Papey góðan gaum.
53