Morgunn - 01.06.1966, Síða 32

26
MORGUNN
svarta yfirfrakkanum og segja: ,,Þú munt finna erfðaskrána
mína í frakkavasanum mínum.“ Þessir draumar höfðu svo
mikil áhrif á James, að hann varð að taka eitthvað til bragðs.
Hann hafði vitni með sér, þegar hann reif upp fóðrið í gamla
yfirfrakkanum og fann þar skrifaða miðann með bending-
unni um, að lesa 27. kapítulann í 1. Mósebók í ættarbiblíunni
gömlu. Loks fannst biblían og í henni, þar sem 27. kap. 1.
Mósebókar opnast, seinni erfðaskráin. Dómur féll síðar í
málinu, og seinni erfðaskráin var dæmd gild.
Langsennilegasta skýringin á þessu máli er það, að gamli
bóndinn hafi lifað eftir dauðann, og að samvizkubitið hafi
rekið hann til þess að koma málinu á framfæri með því að
koma í draumi hvað eftir annað til James sonar síns. Ef gert
er ráð fyrir því, að hér sé aðeins um draumskyggni James
yngra að ræða, koma upp tvö vandamál, sem þarf að skýra.
1 fyrsta lagi: Hvers vegna lætur þessi draumskyggni standa
á sér í fjögur ár? Og í öðru lagi: Hvers vegna benti þessi
hugsanlega draumskyggni ekki umsvifalaust og beint á stað-
inn, þar sem erfðaskráin var, í gömlu biblíunni?
Ég ætla enn að segja þriðju söguna. Nokkurir vinir í Bret-
landi mynduðu með sér tilraunahring, og með þeim var
tékknesk frú, sem ég nefni Edith i frásögn minni.
Það var einhverju sinni, og mjög óvænt, að Edith var í
transi, að vera, sem nefndi sig C, tók að stjórna henni, og
bað okkur ákaft að hjálpa konu sinni, sem hefði verið tekin
föst og varpað í fangelsi í Prag. Övænti gesturinn nefndi
fangelsið. Hann sagði, að ef kona sín gæti náð sambandi við
dr. K., og hann gaf okkur heimilisfang hans, gæti dr. K. náð
í plögg, sem tryggðu, að konan yrði látin laus úr fangelsinu.
Þegar Edith vaknaði úr dásvefninum, sögðum við henni,
hvað hefði gerzt. Hún kannaðist við C., vissi, að hann var
látinn, en annars vissi hún ekkert um konu hans, og dr. K.
kannaðist hún ekki við. Hún skrifaði, en með mestu varfærni
af stjónrmálalegum ástæðum. Og hún fékk svarbréf, þar
sem hún var þunglega vöruð við því, að blanda sér inn í svo
hættulegt mál sem þetta væri.
J