Morgunn - 01.06.1966, Blaðsíða 40

34
MORGUNN
arftaki þeirrar rannsóknarstofnunar við Duke háskólann,
sem dr. Rhine hefur veitt forstöðu um mörg ár. Er og til
þess ætlazt, að allar eignir, tæki og starfslið þeirrar deildar
háskólans renni smátt og smátt til hinnar nýju rannsókna-
stöðvar, er verða mun miklu öflugri og stærri en hin fyrri.
Fleiri rannsóknarstofnunum mun verða komið á fót, ef
tækifæri gefst og ástæður leyfa. Er verið að undirbúa og
skipuleggja þá starfsemi. Sjóðurinn hefur þegar eignazt
timaritið The Journal of Parapsychology, svo og hið mikla
safn Duke háskóla af frásögnum um dulræn fyrirbæri og
þess háttar. En í því safni eru meira en 10 þúsund frásagnir,
sem allar hafa þegar verið flokkaðar eftir efni.
Ennfremur munu úr þessum sjóði verða veittir námsstyrk-
ir og rannsóknastyrkir, styrkir til ferðalaga, fyrirlestra og
útgáfu fræðirita, varðandi þessi málefni. Er og gert ráð fyrir
að koma á sem mestri og nánastri samvinnu og samstarfi
allra þeirra vísindastofnana hvarvetna um heiminn, sem
vinna að rannsóknum á dulhæfileikum manna.
Rannsókn allra þessara mála er talin alveg sérstaklega
aðkallandi nú, vegna þess að segja má, að ekki vanti nema
herzlumuninn til þess að gera þá þekkingu, sem þegar er
fengin, arðbæra fyrir mannkynið, og það á fleiri sviðum og
í ríkara mæli en flesta nú órar fyrir. Nú þegar liggja fyrir
um það öruggar, vísindalegar sannanir, að mjög mikill f jöldi
manna — og sennilega allir að einhverju leyti — er gæddur
dulrænum hæfileikum, fjarhrifa-, skyggni- og forvizku-gáf-
um, eða því, sem einu nafni er nefnt PSI-hæfileikar. Og þetta
kallar á, að stigið sé sem allra fyrst næsta skrefið á þessari
braut, en það er að ná auknu valdi á þessum hæfileikum, svo
unnt verði að hagnýta þá mönnunum til gagns og blessunar.
Er taiið, að þar geti opnazt leiðir, ekki aðeins til aukinnar
heilbrigði manna, andlegrar og líkamlegrar, heldur og bein-
línis valdið byltingu í hugsunarhætti, samskiptum og sam-
búð bæði einstaklinga og þjóða.
Hin nýja stofnun er enn í nánum tengslum við Duke há-
skólann, enda þótt hún lúti sérstakri stjórn, sem í eiga sæti
J