17. júní - 17.06.1937, Síða 24

Jóhannes úr Kötlum:
Frumherjinn.
Stundum heimsækir mig maður einn hér í bænum, fremur lágur
vexti, en þéttur á velli og kvikur í hreyfingum, með ættarmót Þórhalls
biskups í yfirbragði, enda nafni hans og systrungur. Maður þessi er ein-
hver minn kærasti gestur, ekki vegna þess, að hann sé neitt óvenjulegur
maður um gáfur eða atgervi, heldur hins vegna, að hvar sem hann fer,
ber hann með sér ilm og yndisleik ákveðins tímabils í sögu vorri; í veru
hans lifir enn og grær sá blómi vorsins, sem hann hóf að gróðursetja í
íslenzkri æsku fyrir þrjátíu árum síðan; hann er persónugervingur
þeirrar göfgi, sem stór og fögur hugsjón getur rótfest í hinum hvers-
dagslega alþýðumanni. Þetta er Þórhallur Bjarnarson prentari, fyrsti
hvatamaður ungmennafélagshreyfingarinnar á íslandi.
Eins og kunnugt er, gerðust ýmsir foryztumenn ungmennafélag-
anna frá fyrri árum aðsópsmiklir áhrifamenn á sviði þjóðmálanna, og
fluttu, margir hverjir, með sér þangað um sinn þá gróandi, er einkenndi
hreyfinguna um alllangt skeið. Þessa menn þekkja allir og meta að
verðleikum.