Morgunn - 01.06.1980, Blaðsíða 76

74
MORGUNN
annað. En það er einmitt hugarró og sálarfriður sem okkur
er nauðsynlegra að eignast en allt annað. En er nokkuð um
það kennt í skólum? Nei, ekki neitt. Og sökum þessa skorts,
spretta upp út um allan heim hvers konar stofnanir, sem
telja sig hafa þetta til sölu, sem hver einasti maður ætti
að geta kynnst í venjulegum skóla sínum, svo hann læri að
taka óhjákvæmilegum erfiðleikum lífsins þegar að þeim
kemur.
Það er einmitt af þessum ástæðum, sem bækur eins og
SPÁMAÐURINN eftir hinn vitra Araba Kahlil Gibran eru
svo mikill fengur. Slíka bók ætti að fara nákvæmlega í gegn-
um í hverjum skóla og íhuga hvernig mætti færa sér i nyt
visku hennar. Með vandlegri yfirferð slíkra góðmennta mætti
i senn glæða áhuga nemenda á fagurri list og hollum vits-
munum.
Ég vil leyfa mér í þessu sambandi að benda á tvær aðrar
bækur, sem ég skora á skólamenn að láta kynna í skólum
sínum, ef þeir eru mér að einhverju leyti sammála um það,
en það er í fyrsta lagi bókin HVER ER SINNAR GÆFU
SMIÐUR, sem Almenna bókafélagið gaf út í frábærri þýð-
ingu dr. Rrodda Jóhannessonar 1955, og bók Rósarkrossmanna
ÞÉR VEITIST INNStN i þýðingu Sveins Ólafssonar, sem
ég hef áður gert að umtalsefni í bókmenntaþætti Morgun-
blaðsins. Þessar bækur eiga það sameiginlegt, að af þeim
má læra svo margt um það, hvernig bregðast ber við ýmis
konar mótlæti i lífinu, en það er einmitt það, sem við þurf-
um að læra, en er svo lítið kennt um.
Epiktet, sem var uppi á ríkisstjórnarárum Nerós, skrifaði
ekki bækur, en orð hans og hugsanir hafa engu að síður varð-
veist, eins og dr. Broddi bendir á í stórfróðlegum eftirmála
í þeirri ágætu bók HVER ER SINNAR GÆFU SMIÐUR.
Þá get ég ekki lokið máli minu um þetta efni án þess að
minna á sögu eftir íslenskan höfund, sem skólastjórar ættu
að láta góðan lesara lesa upp sem oftast fyrir alla nemendur
sína, en það er sagan FERÐIN SEM ALDREI VAR FARIN
eftir dr. Sigurð Nordal heitinn. Þetta er ein stórkostlegasta